កូវីដ-១៩

អាជ្ញាធរសង្កាត់ស្ទឹងមានជ័យ២ ចុះពិនិត្យទីតាំងដែលអ្នកជំងឺកូវីដសុំព្យាបាលនៅផ្ទះ

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ភ្នំពេញ ៖ លោកសេង វ៉ាន់ថា ចៅរងទី១សង្កាត់ស្ទឹងមានជ័យ២បានឲ្យកម្ពុជាថ្មីដឹងថា នៅរសៀលថ្ងៃទី៧ខែកក្កដានេះលោកបានដឹកនាំក្រុមការងារចុះពិនិត្យទីតាំងដែលមានអ្នកមានវិជ្ជមានកូវីដ១៩ហើយសុំព្យាបាលនៅតាមផ្ទះ ដែលមានសរុបចំនួន១៣ទីតាំង ក្នុងមូលដ្ឋានសង្កាត់ស្ទឹងមានជ័យ២ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅរងទី១បន្តថា ការសម្រេចឲ្យព្យាបាលនៅតាមផ្ទះនេះក៏មានការពិនិត្យនិងតាមដានសភាពអ្នកជំងឺពីលោកវេជ្ជបណ្ឌិត គង់ កុល និងវេជ្ជបណ្ឌិត ឡៅ តូច ផងដែរ។

ចំពោះទីតាំងទាំង១៣នេះគឺស្ថិតក្នុងភូមិឬស្សី១ មាន៣ទីតាំង។ ភូមិភ្នាតមាន១ទីតាំង។ភូមិព្រែកទាល់មាន១ទីតាំង។ភូមិដំណាក់ធំ៤មាន៤ទីតាំង។ភូមិដំណាក់ធំ១មាន៣ទីតាំងនិងភូមិ៥ មាន១ទីតាំង។

លោក សេង វ៉ាន់ថា បានបញ្ជាក់ទៀតថា ចំពោះអ្នកស្ម័គ្រចិត្តព្យាបាលដោយខ្លួនឯងតាមផ្ទះនេះគឺជាអ្នកមានផ្ទុកវីរូសស្រាលប៉ុណ្ណោះ។ ប៉ុន្តែបើសិនជាជំងឺធ្ងន់ធ្ងរក៏មិនអនុញ្ញាតឲ្យព្យាបាលនៅផ្ទះបាននោះឡើយព្រោះខ្លាចគ្រោះថ្នាក់ដល់ជីវិត។ ចំណែកលោកវេជ្ជបណ្ឌិតទាំងពីររូបខាងលើគឺជាអ្នកតាមដានស្ថានភាពអ្នកជំងឺតាមផ្ទះដោយពុំរំលងឡើយ៕

ដោយ ៖ នរា