កូវីដ-១៩

បន្តចុះយកសំណាក ក្រុមកម្មកររោងចក្រ « ឌិនហាន » រកឃើញមានវិជ្ជមានកូវីដ ២នាក់

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ភ្នំពេញ ៖ ក្រុមគ្រូពេទ្យ TYDA សហការជាមួយអាជ្ញាធរសង្កាត់ស្ទឹងមានជ័យ៣ បានបន្តចុះយកសំណាក លើបងប្អូនកម្មករកម្មការនីរោងចក្រ « ឌិនហាន » ដែលមានទីតាំង ស្ថិតនៅផ្លូវ ឌូងងៀប ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ នៅវេលាម៉ោង១៨ល្ងាចថ្ងៃទី៧ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះពិនិត្យសំណាកនេះ បានធ្វើលើក្រុមកម្មករ២៥នាក់ ហើយជាលទ្ធផល បានរកឃើញមានវិជ្ជមាន២នាក់។ ក្រោយការពិនិត្យឃើញហើយនោះ អ្នកទាំង២ ត្រូវដឹកតាមរថយន្តយកទៅធ្វើការព្យាបាល ។ ដោយឡែក ២៣នាក់ផ្សេងទៀតដែលបានឆ្លងកាត់ការតេស្តសំណាកនោះ ត្រូវបានក្រុមគ្រូពេទ្យ ណែនាំឲ្យធ្វើចត្តាឡីស័ក នៅគេហដ្ឋានរៀងៗខ្លួន ។

សូមបញ្ជាក់ថា រោងចក្រ « ឌិនហាន » ខាងលើ គឺកន្លងមកធ្លាប់ត្រូវបានរកឃើញមានវិជ្ជមានកូវីដ១៩ ជាច្រើនរយនាក់ ជាបន្តបន្ទាប់។ ហើយរោងចក្រនេះ គឺជារោងចក្រ ដែលមានការផ្ទុះកូវីដ១៩ ដំបូងគេបង្អស់ នៅក្នុងខណ្ឌមានជ័យ បើគិតចាប់ពីព្រឹត្តិការណ៍សហគមន៍២០កុម្ភៈមក៕

ដោយ ៖ លីហេង