កូវីដ-១៩
សម្រាប់អ្នកចាក់វាក់សាំងកូវីដ ១៩ អាចបរិច្ចាគឈាមបានបន្ទាប់ពីចាក់ដូសទី ២ ឬទី៣ រួចរាល់ រយៈពេល១ខែ
*ដោយសារវិបត្តិជំងឺកូវីដ១៩ បានធ្វើឲ្យមន្ទីរពេទ្យមួយចំនួននៃខេត្តសៀមរាបខ្វះឈាមសម្រាប់ជួយសង្គ្រោះជីវិតមនុស្ស
សៀមរាប ៖ ខណៈសប្បុរសជននានា ដែលស្ម័គ្រចិត្តមកចូលរួមផ្តល់ឈាមមានការថយចុះ ដោយសារតែវិបត្តិនៃជំងឺកូវីដ១៩ រាតត្បាតពាសពេញពិភពលោក បានធ្វើឲ្យមន្ទីរពេទ្យមួយចំនួននៅខេត្តសៀមរាប ខ្វះខាតឈាម ដើម្បីជួយសង្គ្រោះដល់អាយុជីវិតអ្នកជំងឺ(កុមារ,មនុស្សទូទៅ)។
ទាក់ទិននឹងករណីនេះដែរ គ្រូពេទ្យជំនាញផ្នែកផ្តល់ឈាមបានថ្លែងប្រាប់អ្នកសារព័ត៌មាននៅព្រឹកថ្ងៃទី០១ខែកញ្ញាឆ្នាំ២០២១នេះថា មានកុមារជាច្រើនដែលសម្រាកព្យាបាលនៅក្នុងមន្ទីរពេទ្យ ត្រូវការឈាមជាចាំបាច់ ដូចជាកុមារដែលមានជំងឺគ្រាប់ឈាម ជំងឺវះកាត់ ជំងឺគ្រុនឈាម និងគ្រោះថ្នាក់បាត់បង់ឈាមជាដើម។ គ្រូពេទ្យជំនាញបន្តថា ការឆ្លងរីករាលដាលនៃជំងឺកូវីដ១៩ ក្លាយជារនាំងរារាំង ឬកាត់បន្ថយចំនួនសប្បុរសជន មកបរិច្ចាគឈាមនៅក្នុងមន្ទីរពេទ្យកាន់តែតិចទៅៗ ជាហេតុធ្វើឲ្យមន្ទីរពេទ្យកុមារនិងមន្ទីរពេទ្យរដ្ឋ ប្រឈមនឹងការខ្វះខាតឈាមគ្រប់ប្រភេទ (A, B, AB, O) ក្នុងការប្រើប្រាស់ដើម្បីព្យាបាលនិងជួយសង្គ្រោះជីវិតកុមារ និងមនុស្សពេញវ័យ។
ជាមួយគ្នានោះដែរមន្ទីរពេទ្យកុមារអង្គរ ក៏បានបង្ហោះក្នុងផេកផ្លូវការរបស់ខ្លួនដែរកាលពីថ្ងៃទី៣១ម្សិលមិញ ដោយបានលើកឡើងថា មានកុមារជាច្រើនដែលសម្រាកព្យាបាលនៅក្នុងមន្ទីរពេទ្យកុមារអង្គរ ត្រូវការឈាមជាចាំបាច់ ដូចជាកុមារដែលមានជំងឺគ្រាប់ឈាម ជំងឺវះកាត់ ជំងឺគ្រុនឈាម និងគ្រោះថ្នាក់បាត់បង់ឈាមជាដើម។ ការឆ្លងរីករាលដាលនៃជំងឺកូវីដ ១៩ ក្លាយជារនាំងរារាំង ឬកាត់បន្ថយចំនួនសប្បុរសជន មកបរិច្ចាគឈាមនៅក្នុងមន្ទីរពេទ្យកុមារអង្គរ កាន់តែតិចទៅៗ ជាហេតុធ្វើឲ្យមន្ទីរពេទ្យកុមារអង្គរ ប្រឈមនឹងការខ្វះខាតឈាមគ្រប់ប្រភេទ (A, B, AB, O) ក្នុងការប្រើប្រាស់ដើម្បីព្យាបាលនិងជួយសង្គ្រោះជីវិតកុមារ។
សូមសប្បុរសជនទាំងអស់ មេត្តាបន្តមកបរិច្ចាគឈាម នៅក្នុងមន្ទីរពេទ្យកុមារអង្គរ ចាប់ពីថ្ងៃ ច័ន្ទ-សុក្រ វេលាម៉ោង ៨ ព្រឹក ដល់ម៉ោង ៤និង៣០នាទីល្ងាច និងថ្ងៃសៅរ៍ពីម៉ោង ៨ព្រឹក ដល់ម៉ោង ១១និង៣០នាទីព្រឹក ព្រមទាំងសូមធានានូវសុវត្ថិភាព និងភាពស្អាតគ្មានមេរោគ ក្នុងពេលបរិច្ចាគឈាម។ ចំណាំ ៖ សម្រាប់អ្នកចាក់វាក់សាំងកូវីដ ១៩ អាចបរិច្ចាគឈាមបានបន្ទាប់ពីចាក់ដូសទី ២ ឬទី៣ រួចរាល់ រយៈពេល១ខែ។
គ្រូពេទ្យជំនាញ បានសំណូមពរឲ្យសប្បុរសជនទាំងអស់ មេត្តាបន្តមកបរិច្ចាគឈាម នៅតាមមន្ទីរពេទ្យកុមារនិងមន្ទីរពេទ្យរដ្ឋ ដើម្បីព្យាបាលនិងជួយសង្គ្រោះជីវិតអ្នកជំងឺផងចុះ៕
ដោយ ៖ កុសល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?