ហ្វីយ៉ាតា រំភើបនឹងសន្ទុះនៃការគាំទ្រពីសាធារណជនខ្មែរ និងម្ចាស់ប្រេនល្បី តាមរយៈការចំណាយថវិកាបោះឆ្នោត

បវរកញ្ញាតំណាងឱ្យកម្ពុជាប្រកួតលើឆាកអន្តរជាតិ ហ្វីយ៉ាតា បានបង្ហាញអារម្មណ៍ភើបខ្លាំងក្រោយឃើញអ្នកគាំទ្រនៅកម្ពុជាសាមគ្គីគ្នាផ្តល់កម្លាំងចិត្តចំពោះរូបនាងដែលធ្វើឱ្យរូបនាងបេ្តជ្ញាតស៊ូឱ្យអស់ពីសមត្ថភាព ខណ:អ្នកជំនួញអនឡាញ លោកស្រី ឡាយ ស៊ូយៀក ក៏បានចំណាយលុយ ៥ពាន់ដុល្លារផងដែរ ដើម្បីចូលរួមបោះឆ្នោតគាំទ្របវរកញ្ញារូបនេះ ឈានចូលដល់ Top ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញា ហ្វីយ៉ាតា បានឱ្យដឹងថា ខ្លួនពិតជាមានអារម្មណ៍សប្បាយចិត្ត ក្រោយឃើញក្រុមការងារខិតខំសាមគ្គីជាធ្លុងមួយដោយមិននឿយហត់ ខណៈបានឃើញនូវទឹកចិត្តថ្លៃថ្លារបស់អ្នកស្រី ឡាយ ស៊ូយៀក ទៀត បានធ្វើឱ្យ Queen រូបនេះ កាន់តែមានកម្លាំងមកវិញធ្វើឱ្យខ្លួនគិតថា ការលះបង់នេះមិនបានអត់ប្រយោជន៍នោះទេ គឺមានអ្នកគាំទ្រគ្រប់គ្នា ចាំជួយពីក្រោយ។

ហ្វីយ៉ាតា ថា “នាងខ្ញុំនឹងក្រោកឈតតាំងរហូតដល់ទីបញ្ចប់ព្រោះបងស្រីធ្វើឲ្យប្អូនរំភើបចិត្តខ្លាំងមែនទែនប្អូន និងក្រុមការងាររបស់ប្អូនសូមថ្លែអំណរគុណយ៉ាងជ្រាលជ្រៅសម្រាប់ទឹកចិត្តដ៏មហិមារបស់បងស្រី បេះដូងប្អូនពេលនេះ ពោពេញទៅដោយសេចក្តីរំភើបយ៉ាងក្រៃលែងដែលបានឃើញសាមគ្គីភាពមួយនេះ”។

ហ្វីយ៉ាតា បានបន្តថា ខ្ញុំមានអារម្មណ៍ថា កក់ក្តៅពីប្រជាជាតិកម្ពុជាអរគុណប្រជាជនកម្ពុជា ខ្ញុំនឹងតស៊ូឱ្យអស់ពីសមត្ថភាព។ ទោះបីយ៉ាងណា ហ្វីយ៉ាតា ក៏បានបង្ហើបដែរថា នៅក្រោយពីភាពស្រស់ស្អាតភាពជឿជាក់ និងការខិតខំ មានពោរពេញទៅដោយភាពអស់កម្លាំងនឿយហត់ ជាពិសេសនាងក៏ទទួលរងនូវការមិនសប្បាយចិត្ត ប៉ុន្តែក៏មិនអាចនិយាយចេញ៕ ចាន់រ៉ា