កវីនិពន្ធ ម៉ានីយ៉ា ពន្យល់រឿងពីក្រោយផេកផ្លូវការ MUC មិនបង្ហោះសកម្មភាព ហ្វីយ៉ាតា ខណៈកំពុងតំណាងជាតិ ប្រកួតនៅថៃ

ស្របពេលដែលកូនស្រីជាទីស្រលាញ់កំពុងតែតំណាងឱ្យកម្ពុជា ចូលរួមការប្រកួតលើឆាកអន្តរជាតិ Miss Universe លើកទី៧៤ លោក ងិន ម៉ានីយ៉ា ដែលជាម្តាយ ហ្វីយ៉ាតា បានបង្ហាញការគាំទ្រ និងផ្តល់កម្លាំងចិត្តគ្រប់ពេលសម្រាប់កូនស្រីរបស់ខ្លួន។

ទន្ទឹមគ្នានេះដែរ លោកស្រី ងិន ម៉ានីយ៉ា ក៏បានបញ្ជាក់ច្បាស់ “ជុំវិញផេក Miss Universe Cambodia មិនបង្ហោះរាល់សកម្មភាពប្រកួតរបស់កូនស្រីចេញទៅប្រកួតនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ងិន ម៉ានីយ៉ា បង្ហោះខ្លឹមសារថា “បងប្អូនសូមកុំខឹង page Miss Universe Cambodia អី ខ្ញុំឧទាហរណ៍អ៊ីចេះដើម្បីឱ្យបងប្អូនងាយយល់ ម៉ែឪលះលែងគ្នា នៅចំពេលដែលកូនចេញទៅប្រឡង ហើយម៉ែប្ដឹងទាមទារសិទ្ធិគ្រប់គ្រង កូនហើយឪជាអ្នកកាន់ផេកអត់មានសិទ្ធិផុសអ្វីពីកូនទៀតទេ ហេតុនេះហើយទើបស្ងាត់ សូមបងប្អូនជ្រាបជាព័ត៌មាន និងសូមផ្ដល់ភាពស្ងប់ស្ងាត់ដើម្បីជាកម្លាំងចិត្តដល់កូនស្រីកំព្រាដែលទៅប្រឡងស្រុកគេ”។

អ្នកស្រីបន្តទៀតថា ហេតុនេះហើយ មានតែសាធារណរជនប៉ុណ្ណោះដែលជួយបោះឆ្នោតឱ្យបវរកញ្ញាកម្ពុជារូបនោះបាន ទើបនាងបានដើរទៅមុខទៀតវែងឆ្ងាយ។ អ្នកស្រីសង្កត់ធ្ងន់ទៀតថា “ខ្ញុំជាម្ដាយ Queen Fiyata – ហ្វីយ៉ាតា សូមថ្លែងអំណរគុណដល់ថ្នាក់ដឹកនាំ និងប្រជាជនកម្ពុជា ដែលមិនបោះបង់ចោលកូនស្រីខ្ញុំឱ្យឯកា និងសូមអរគុណដល់អ្នកគាំទ្រដ៏មានគុណភាពរបស់កូនស្រីខ្ញុំ ដែលផ្ដល់ភាពកក់ក្ដៅដល់គាត់តាំងពីថ្ងៃឈានជើងដំបូងចូលលើវិស័យបវរកញ្ញានេះរហូតមកដល់ឥឡូវ”។

គួរបញ្ជាក់ថា គិតមកដល់ពេលនេះអ្នកនាង ថៃ នារីសុ ជាតាហៅ ហ្វីយ៉ាតាដែលជាMiss Universe Cam bodia2025គឺបានចាកចេញពីប្រទេសកម្ពុជាមានរយ:ប្រមាណជិត១០ថ្ងៃហើយដោយនាងបានចេញទៅកាលពីថ្ងៃទី០២ ខែវិច្ឆិកា ឆ្នាំ២០២៥ ដើម្បីតំណាងឱ្យកម្ពុជាទៅចូលរួមការប្រកួត Miss Universe លើកទី៧៤៕ ចាន់រ៉ា