ជីវិតកម្សាន្ដ

ជ័យ សុវ៉ាត បង្ហាញឆន្ទៈមោះមុតក្នុងនាមកងទ័ពអាវស ចាត់កូវីដ-១៩

បានផុស

៥ years មុន

នៅ

ថ្ងៃអង្គារ ១០ សីហា ២០២១

ដោយ

ភ្នំពេញ ៖ តារាចម្រៀងលោក ជ័យ សុវ៉ាត កន្លងត្រូវបានមហាជនដឹងហើយថាលោកសុខចិត្តទម្លាក់ចោលក្បាលមេក្រូ និង សម្លៀកបំពាក់អ្នកចម្រៀង មកគ្រងឯកសណ្ឋានជាគ្រូពេទ្យជួរមុខប្រយុទ្ធប្រឆាំងជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញវត្តមានជាគ្រូពេទ្យជួរមុខប្រយុទ្ធប្រឆាំងជំងឺកូវីដ-១៩ នៃសមាគមគ្រូពេទ្យធីតាដើម្បីចូលរួមសកម្មភាពជួយសង្គ្រោះអ្នកជំងឺកូវី-១៩របស់លោកជ័យ សុវ៉ាត នេះបានធ្វើឲ្យមហាជនគាំទ្រនិងសរសើរខ្លាំងចំពោះទឹកចិត្តលះបង់ដ៏ធំធេងនេះ។

ដោយឡែកមុននេះ បន្តិចលោកជ័យ សុវ៉ាត បានបង្ហាញឆន្ទៈដ៏មោះមុតរបស់ខ្លួនក្នុងនាមកងទ័ពអាវសចូលរួមប្រយុទ្ធប្រឆាំងចាត់កូវីដ-១៩ផងដែរ។

ជ័យ សុវ៉ាត បានរៀបរាប់សំណេរថា «ការវិលត្រឡប់ចូលសមរភូមិវិញ កងទ័ពអាវសម្នាក់នេះមិនចុះ ចាញ់ ហើយក៏មិនរុញរាដាច់ខាត ដើម្បីប្រទេសរបស់យើងឆាប់វិលមករកការសប្បាយនិងមិនមានភាពភ័យខ្លាចវិញដោយសារមេរោគចង្រៃនេះ។

លោកបន្តថា ក្រុម៣មណ្ឌលទួលពង្រក្រោមការដឹកនាំដ៏ខ្ពង់ខ្ពស់របស់បងប្រុសឯកឧត្តមបណ្ឌិត ហ៊ុន ម៉ាណែត និងបងស្រីជំទាវ ពេជ ច័ន្ទមន្នី សមាគម ន៍ TYDA ក្រុមយើងខ្ញុំនឹងប្តេជ្ញាចិត្តខិតខំប្រឹងប្រែងធ្វើការងារមួយនេះឱ្យបានជោគជ័យត្រឡប់ទៅគេហដ្ឋានវិញដោយសុខសុវត្តិភាពទាំងអស់គ្នា។

ជាមួយគ្នានេះដែរ ម្ចាស់បទ «ស្រលាញ់អូនដល់កាន់ឈើច្រត» លោក ជ័យ សុវ៉ាត ក៏បន្ដដោយថ្លែងអំណរដល់ថ្នាក់ដឹកនាំដែលបានផ្ដល់ឱកាសនិងបានបង្កើតសមាគមន៍ដ៏ល្អឥតខ្ចោះមួយនេះឡើងមកដើម្បីប្រជាជនខ្មែរ៕

ដោយ ៖ ចាន់រ៉ា