ជីវិតកម្សាន្ដ

ពិធីករ សុខ រ៉ាស៊ី ស្នើដល់តុលាការជួយពន្លឿនរឿងក្តីរបស់ខ្លួនជាមួយលោក អ៊ិន សុភិន

បានផុស

៥ years មុន

នៅ

ថ្ងៃអង្គារ ២៨ កញ្ញា ២០២១

ដោយ

ករណីបណ្តឹងរបស់ពិធីករលោក សុខ រ៉ាស៊ី លើលោក អ៊ិន សុភិន រហូតមកដល់ពេលនេះនៅមិនទាន់មានច្រកចេញឬដំណោះស្រាយនៅឡើយទេ ខណ:ពាក្យបណ្តឹងរបស់លោក សុខ រ៉ាស៊ី បានដាក់ចូលទៅតុលាការរួចហើយកាលពីថ្មីៗនេះ។

ដោយសារតែហេតុផលស្ងប់ស្ងាត់នេះទើបលោក សុខ រ៉ាស៊ី បានចេញមុខស្នើសុំនិងអំពាវនាវយ៉ាងទទូចដល់ប្រព័ន្ធតុលាការឲ្យជួយពន្លឿនរឿងក្តីនេះផងដើម្បីស្វែងរកយុត្តិធម៌ចំពោះជនរងគ្រោះដូចជារូបលោកផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ រ៉ាស៊ី បានថ្លែងប្រាប់កម្ពុជាថ្មីនៅរសៀលថ្ងៃទី២៨ ខែកញ្ញា ឆ្នាំ២០២១ថា មកដល់ពេលរឿងរ៉ាវក្តីក្តាំរបស់លោក គឺកំពុងស្ថិតនៅដៃតុលាការប៉ុន្តែមិនទាន់ឃើញមានការកោះហៅទៅដោះស្រាយនៅឡើយទេរវាងលោកជាដើមបណ្តឹង និងលោក អ៊ិន សុភិន ដែលជំពាក់លុយជាង១ម៉ឺនដុល្លារ។

ពិធីករ សុខ រ៉ាស៊ី បន្តថា ”ខ្ញុំសូមស្នើដល់ស្ថាប័នតុលាការមេត្តាពិនិត្យនិងជួយពន្លឿនរឿងក្តីនេះផង ព្រោះខ្ញុំជាជនរងគ្រោះតែងទទឹងរង់ចាំនូវដំណោះស្រាយដើម្បីភាពយុត្តិធម៌ពីករណីដែលគេបានកេងប្រវ័ញ្ចកម្លាំងញើសឈាមខ្ញុំនេះ”។ លោកថា ខ្ញុំពិតជាមិនសប្បាយចិត្តពេលឃើញបុគ្គលនោះហាក់មិនខ្វល់អំពីរឿងនេះខណ:ខ្ញុំបច្ចុប្បន្នត្រូវលក់ផ្ទះ លក់ឡានដើរសងបំណុលគេជំនួយនោះ។

លោក សុខ រ៉ាស៊ី បន្ថែមថា លោកដឹងអំឡុងពេលនេះជាដំណាក់កាលជំងឺកូវីដ-១៩ទើបរឿងក្តីរបស់លោកហាក់នៅទ្រឹង ដូច្នេះសង្ឃឹមថា យុត្តិធម៌និងមានសម្រាប់លោកក្នុងពេលដ៏ខ្លីខាងមុខនេះ។

ជុំវិញករណីនេះដែរកម្ពុជាថ្មី មិនទាន់អាចស្វែងរកការបកស្រាយពីលោក អ៊ិន សុភិន បានទេ៕

អត្ថបទ៖ ចាន់រ៉ា

Related Topics:តារាខ្មែរ