ជីវិតកម្សាន្ដ

សុន ស្រីពេជ្រ គ្រាំគ្រាបេះដូងដោយសារជំងឺកូវីដ-១៩ផ្ទុះឡើងជាថ្មី

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

តារាចម្រៀងស្រី ចេះគ្រប់ទម្រង់ទាំងបុរាណ និងសម័យមានទឹកដមសំឡេងពិរោះរណ្ដំចិត្តអ្នកនាង សុន ស្រីពេជ្រ ខណៈពេលដែលជំងឺកូវីដ-១៩បាននឹងកំពុងផ្ទុះឡើងជាថ្មី បង្កក្តីព្រួយបារម្ភខ្លាំងចំពោះប្រជាពលរដ្ឋខ្មែរទូទាំងប្រទេសនោះ ពេលនេះនាងក៏បានសម្ដែងអារម្មណ៍មិនសប្បាយចិត្ត និងថែមប្រកាសឲ្យពលរដ្ឋខ្មែរមានការប្រុងប្រយ័ត្នខ្ពស់ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះក្ដីបារម្ភនិងរឿងដែលធ្វើឲ្យ សុន ស្រីពេជ្រ មិនសូវសប្បាយចិត្តនោះ ក៏ព្រោះតែខណៈពេលនេះ នាងកំពុងត្រូវបានបាត់បង់ចំណូលពីការងារអាជីពសិល្បៈដោយសារតែបញ្ហានៃការផ្ទុះឡើងនូវជំងឺកូវីដ-១៩។ មិនត្រឹមតែប៉ុណ្ណោះ ស្រីពេជ្រថែមទាំងបានដាក់បណ្ដាសាឲ្យជំងឺដ៏ចង្រៃហើយកាចសាហាវនេះឆាប់រលាយចាកផុតពីផែនដីទៀតផង។

តារាចម្រៀងដែលត្រូវជាកូនស្រីតារាកំប្លែងលោកតា សង់ ស៊ីស អ្នកនាង សុន ស្រីពេជ្រ បានពោលពាក្យបែបនេះថាឈឺផ្សារចិត្តប៉ុណ្ណា ដែលថ្ងៃនេះកំពុងបញ្ចូលបទសុខៗស្រាប់តែមានគេផ្ញើសារមកក្នុងឆាតមកថា សួស្តីអូន ! កម្មវិធីមង្គលការសូមលើកទៅពេលក្រោយ។ បន្តិចក្រោយមកទៀតមានម្ចាស់ដើមការខល(ទូរស័ព្ទ) មកថា អាឡូអូនអូនអើយថ្ងៃទី០៦ខែធ្នូ ហ្នឹងសូមផ្អាកការសិន។

អ្នកនាង សុន ស្រីពេជ្របាននិយាយបន្តទៀតថា ក្រោយពេលដាក់ទូរស័ព្ទចុះមិនទាន់បានប៉ុន្មានផងក៏ស្រាប់តែទទួលបានដំណឹងពីអ្នករៀបចំកម្មវិធីពីបញ្ហាត្រូវពន្យារពេលមួយចំនួនទៀត។ បងមេអាហ្វែរខលមកទៀត តែខ្ញុំមិនឲ្យគាត់និយាយបានមុនទេ ខ្ញុំថាម៉េចទៀតហើយលើកការទៀតហើយហ៍? អរគុណដែលបានអាន ហើយក៏ជម្រាបលាទាំងគ្រាំគ្រាបេះដូងអាកូវីដអើយ ខ្ញុំសូមដាក់បណ្តាសាឲ្យអាកូវីដឯងរលាយរលត់បាត់ពីផែនដីអាចង្រៃ។

សូមបញ្ជាក់ថាខណៈពេលដែលបញ្ហាជំងឺកូវីដ-១៩បានផ្ទុះឡើងជាថ្មីនោះ បច្ចុប្បន្នរាជរដ្ឋាភិបាលកម្ពុជាបាននឹងកំពុងតែយកចិត្តទុកដាក់ខ្លាំងចំពោះការទប់ស្កាត់នៃការឆ្លងជំងឺដ៏កាចសាហាវមួយនេះ។ ម្យ៉ាងទៀតរាជរដ្ឋាភិបាលក៏បានប្រកាសឲ្យផ្អាកនូវការរៀបអាពាហ៍ពិពាហ៍រយៈពេល១៥ ថ្ងៃនិងការជួបជុំផ្សេងៗដែលមានគ្នាលើសពី២០នាក់ឡើងទៅជាដើម៕

អត្ថបទ៖ ចាន់រ៉ា

ចុចអាន៖ទម្ងន់ក៏ស្រក សម្រស់ក៏បាក់ សាយនៅតែមានកម្លាំងចិត្តដោយសារមហាជនគាំទ្រពីគ្រប់មជ្ឈដ្ឋាន

ចុចអាន៖សំណួរចុងក្រោយដែលនាំឲ្យ រ៉េត សារីតា ឈ្នះមកុដបវរកញ្ញាចក្រវាលកម្ពុជា២០២០

Related Topics:តារាចម្រៀងខ្មែរ