កំពូលតារាស្រីសម្រស់ស្អាត ​មានឥទ្ធិពលខ្លាំងក្នុងវិស័យសិល្បៈនៅប្រទេស ចិន នាឆ្នាំនេះ

ខាងក្រោមនេះ ជាបញ្ជីឈ្មោះតារាស្រីប្រចាំប្រទេសចិន ដែលមានសម្រស់ស្រស់ស្អាត ហើយមានឥទ្ធិពលខ្លាំងក្នុងវិស័យសិល្បៈទាំងក្នុងនិងក្រៅប្រទេស។

១ Lin Yun

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Lin Yun គឺជាតារាសម្តែងជនជាតិចិន​ មកពីទីក្រុង​ Huzhou។ នាងកើតនៅឆ្នាំ ១៩៩៦ នៃគ្រួសារ​ក្រីក្រ​។ តារា​ស្រី​រូប​នេះ ​ទើប​តែ​ចូល​ប្រឡូក​ក្នុង​វិស័យ​សម្ដែង​ដោយតួនាទី​ដំបូង​របស់​នាង ​​នាំ​ឲ្យ​នាង​មាន​កេរ្តិ៍ឈ្មោះ​ល្បីល្បាញ​នៅ​ក្នុង​រឿង The Mermaid ឆ្នាំ ២០១៦ ។ នៅឆ្នាំ ២០១៨ Lin Yun បាន​សម្ដែង​ក្នុង​រឿង​ភាគ Genghis Khan ដែល​ធ្វើ​ឲ្យ​កេរ្តិ៍ឈ្មោះ​របស់​នាង ​ក្លាយ​ជា​តារា​ល្បី​មក​ដល់​សព្វ​ថ្ងៃ​នេះ។

២ Guli Nazha

Guli Nazha ជា​តារា​សម្ដែង​ជនជាតិ​ចិន-អ៊ូហ្គួរ។ នាងកើតនៅថ្ងៃទី ២ ខែ ឧសភា ឆ្នាំ ១៩៩២ នៅ Urumqi ខេត្ត Xinjiang ប្រទេសចិន។ ជាតារាម៉ូដែលនិងជាតារា​សម្តែង​ស្រី​វ័យ ២៧ ឆ្នាំ ដែល​ត្រូវបានគេដាក់នាមថា​ មានរូបសម្រស់​ដ៏​ស្រស់ស្អាត​បំផុត​ និង​មានដើមកំណើត​ចម្រុះ។ នៅឆ្នាំ ២០១៨ Qeelin ដែលជាម៉ាកគ្រឿង​អលង្ការ​ល្បី​បាន​តែងតាំង Guli ជា​ឯកអគ្គរដ្ឋទូតម៉ាក​របស់​ខ្លួន។ នៅឆ្នាំបន្ទាប់ នាងក៏បានក្លាយជាឯក​អគ្គរដ្ឋទូត​ម៉ាក​យីហោ​ដំបូងគេ​ ប្រចាំប្រទេស​ចិន ​សម្រាប់ Sergio Rossi ដែល​ជា​ក្រុមហ៊ុន​ស្បែក​ជើង​ស្ត្រី​របស់អ៉ីតាលី។

៣ Zhang Huiwen

Zhan Huiwen គឺ​ជា​តារាសម្តែងជនជាតិចិន និងជាស្ត្រីម្នាក់​ដែលមានភាពសិចស៊ីនៅក្នុង​ឧស្សាហ​កម្ម​ភាពយន្ត។ នាងមកពីខេត្ត Jiangxi ភាគខាងកើតប្រទេសចិន។ Zhang បានចូលរៀន​នៅសាលា​របាំ​ប៉េកាំង ​ពី​ឆ្នាំ ២០១០ រហូតដល់ឆ្នាំ ២០១៤ ដោយកាលណោះ ​គេបាន​ប្រទះឃើញ​នាង​ជា​និស្សិត​វ័យ​ក្មេង​ និងមាន​ទេពកោសល្យ​ ដូច្នេះនាងក៏​បាន​ត្រូវ​ជ្រើសរើស​ឲ្យ​សម្តែង​ជា​តួឯក​ស្រីក្នុងរឿង Come Home ។ ខ្សែភាពយន្តនេះ ជាការសម្តែងដំបូង ហើយ​ទទួលបាន​ជោគជ័យ​យ៉ាង​ធំធេង ​ថែមទាំងទទួលបានពានរង្វាន់អ្នកចំណូលថ្មីល្អ​បំផុត​ នៅឯ​ពានរង្វាន់​ភាពយន្ត​អាស៊ី។

៤ Yang Mi

Yang Mi ជាតារាសម្តែង និងចម្រៀងមានដើមកំណើតមកពីទីក្រុងប៉េកាំង ដូចស្ត្រីជនជាតិចិនល្បីៗ ដទៃទៀតដែរ។Yang Mi សម្ដែង​ជាលើកដំបូង​ក្នុងរឿង Tang Ming Huang ដែល​ជារឿងភាគ​ទូរទស្សន៍​ប្រវត្តិសាស្ត្រ​ ដែល​នេះ​បាន​នាំ​មក​នូវ​ភាព​ជោគជ័យ​យ៉ាង​សំខាន់សម្រាប់​នាង។ នៅឆ្នាំ ២០១៧ Yang Mi បាន​ឈ្នះ​ពានរង្វាន់​តារាសម្តែងស្រីឆ្នើមនៅមហោស្រព​អន្តរជាតិហ៊ូស្តុនពិភពលោក។ នេះ​គឺ​ជា​សមិទ្ធផល​ដ៏​ធំធេង​ ដែល​ជួយ​លើកស្ទួយ​អាជីព​របស់​នាង។ លើស​ពី​នេះ នៅឆ្នាំ ២០១៧ Yang Mi បានជាប់ចំណាត់ថ្នាក់លេខ ៣ នៅក្នុងបញ្ជីឈ្មោះ​តារា​ល្បី​របស់​ចិន Forbes ១០០ ។

៥ Zhao Liying

Zanilia បានសម្តែងជាលើកដំបូងក្នុងឆ្នាំ ២០០៧ ក្នុងខ្សែភាពយន្តរឿងអាពាហ៍ពិពាហ៍មាស។ ក្នុងឆ្នាំ ២០០៩ នាងបានសម្តែងនៅក្នុងរឿងភាគប្រវត្តិសាស្ត្ររឿង The Firmament of The Pleiades ដែលជារឿងទទួលបានការចាប់អារម្មណ៍ភ្លាមៗ។ ដោយសារភាពជោគជ័យនេះ Zhao បានទទួលពានរង្វាន់តារាសម្តែងស្រីដែលមានប្រជាប្រិយបំផុត នៅក្នុងកម្មវិធីពានរង្វាន់វីដេអូច្នៃប្រឌិតចិន។ បន្ទាប់ពីនោះ ក្នុងឆ្នាំ ២០១៣ Zhao បានសម្តែងក្នុងរឿង Legend of Lu Zhen ។ រឿងនេះទទួលបានការគាំទ្រមិនត្រឹមតែនៅក្នុងប្រទេសចិនប៉ុណ្ណោះ​ទេ ថែមទាំងនៅប្រទេសកូរ៉េខាងត្បូង និង​ជប៉ុនទៀតផង។ ជាលទ្ធផល វាបាននាំឲ្យនាងល្បីល្បាញទូទាំង​តំបន់។

៦ Guan Xiaotong

Guan Xiaotong បានកើតនិងធំធាត់នៅក្នុងគ្រួសារដែលមានឥទ្ធិពល លើការសម្តែង។ ទាំងឪពុកនិងជីតារបស់នាង​ ក៏ជាតួសម្តែងផងដែរ។ នាងត្រូវបានគេស្គាល់យ៉ាងច្បាស់ ដោយសារតួនាទីរបស់នាងនៅក្នុងរឿង Nuan, Promise, and Painted Skin។

៧ Angelababy

មិនគួរឲ្យភ្ញាក់ផ្អើល Angelababy បានយកឈ្នះបេះដូងអ្នកបោះឆ្នោតភាគច្រើន ដោយមានមតិដូចជា“ ផ្ទៃមុខដែលមនុស្សគ្រប់គ្នាកោតសរសើរ”“ តារាស្អាតជាងនៅក្នុងរឿងប្រវត្តិសាស្ត្រ” និង“ មុខស្អាតបំផុតរបស់ពិភពលោក” ។

៨ Fan Bingbing

Fan Bingbing គឺជាមនុស្សម្នាក់ដែលសមនឹងទទួលបានតំណែង ជាស្ត្រីចិនដ៏ស្រស់ស្អាតបំផុតនៅលើពិភពលោក។ បន្ទាប់ពីការសម្តែងដ៏គួរ​ឲ្យ​ចាប់អារម្មណ៍របស់នាង នៅក្នុងខ្សែភាពយន្ត Lost in Beijing ។​ Fan Bingbing ត្រូវបានគេដឹងថា នាង​គ្រោងនឹងបង្ហាញខ្លួននៅក្នុងខ្សែភាពយន្តដ៏អស្ចារ្យ​របស់ហូលីវូដ ដូចជា Iron Man 3, Stretch និង​ស៊េរី X-Men ចុងក្រោយ៕

ប្រែសម្រួល៖ សាង ស្រីល័ក្ខ

ចុចអាន៖ប៉ូលិសចាប់ខ្លួន Chris Wu អតីតសមាជិក EXO ក្រោយទទួលបណ្ដឹង ល្បួងក្មេងស្រីយកទៅរំលោភ

ចុចអាន៖ឈិនឡុង នៅ​តែ​ជា​តារា​ប្រុស​ដើមកំណើត​ចិន​មាន​ទ្រព្យ​ច្រើន​ជាង​គេ