ជីវិតកម្សាន្ដ

ពិធីការិនីម្នាក់ផ្ទុះកំហឹងជាមួយ ធនាគារ មួយ ក្រោយបញ្ចូលលុយក្នុងទូម៉ាស៊ីនATMតែមិនចូលក្នុងគណនី

បានផុស

៥ years មុន

នៅ

ថ្ងៃពុធ ២៧ តុលា ២០២១

ដោយ

មានការភ្ញាក់ផ្អើលខណ:ដែលពិធីការិនីសម្បូរវោហារស័ព្ទអ្នកនាង មាស សុវណ្ណរតនា បានស្រែកទ្រហោយំតាមរយ:ការឡាយចេញពីក្នុងឡានព្រោះរឿងឈឺចាប់ដោយសារបញ្ហាលុយចំនួន២០០០ដុល្លារជាមួយធនាគារមួយ។

អ្នកនាង មាស សុវណ្ណរតនា បានយំរៀបរាប់ថា ខ្ញុំឈឺចាប់ណាស់ខ្ញុំស្បថឈប់ប្រើធានាគារនេះហើយ ។បញ្ហានេះបានកើតឡើងក្រោយពេលស្វាមីអ្នកនាងបានបញ្ចូលលុយដាក់ក្នុងទូម៉ាស៊ីនATMរបស់ធានាគារមួយសាខាស្ពានអាកាសផ្សារដីហុយ ហើយស្រាប់តែគាំងម៉ាស៊ីន និងមិនចូលក្នុងគណនីរបស់អ្នកនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីការិនី មាស សុវណ្ណរតនា បានបន្តថា ភ្លាមៗដែលកើតរឿងនេះ អ្នកនាងនិងស្វាមីបានចូលទៅក្នុងធនាគារដើម្បីប្រាប់ដល់បុគ្គលិកនៅទីនោះ អោយជួយរកដំណោះស្រាយព្រោះអ្នកនាងត្រូវការបង្វិលលុយទូទាត់អោយគេចាំបាច់ណាស់ មិនអាចខកឬលើកពេលបានទេ។ ប៉ុន្តែជាលទ្ធផលបុគ្គលិកធនាគារនោះខ្លះថា៣ថ្ងៃបង្វិលបាន ខណៈមេកើយផ្សេងទៀតថា១, ២, ឬ២អាទិត្យទៀតទើបដោះស្រាយកើត។

អ្នកនាង មាស សុវណ្ណរតនា បានបន្តទៀតថា លុយ២ពាន់មិនច្រើនទេសម្រាប់អ្នកមាន តែនេះសម្រាប់នាងជាកូនអ្នកក្រហើយប៉ះចំសម័យកាលកូវីដទៀត គឺត្រូវរកស៊ីលំបាកណាស់ ព្រោះនាងត្រូវការទូទាត់លុយសងគេចុះឡើងទៅមកចាំបាច់រាល់ថ្ងៃ។ លើសពីនេះត្រូវបង្វិលសងគេតាមការសន្យាដើម្បីកុំអោយគេគិតថា យើងមិនច្បាស់លាស់កុហកគេមិនទៀងត្រង់។

អ្នកនាងលើកឡើងថា ចុះបើសិនជាមានបងប្អូនខ្លះត្រូវការលុយក្នុងស្ថានភាពសង្គ្រោះបន្ទាន់ ឬបញ្ហាអ្វី មួយ ហើយត្រូវការបាញ់លុយភ្លាមៗហើយគាំងម៉ាស៊ីនដាក់ចឹង សួរថាការពន្យាពេលនោះមិនដាច់ខ្យល់បាត់ទៅហើយ។ អ្នកនាង មាស សុវណ្ណរតនាបានLive វីដេអូប្រាប់ដល់មហាជនឲ្យបានជ្រាបហើយបង្ហាញហេតុផលជាច្រើននៅពេលជួបបញ្ហាដាក់លុយចូលម៉ាស៊ីននោះ។ អ្នកនាងយំផងស្រែកផងអោយអ្នកកំពុងទស្សនាការLiveពិចារណា៕

អត្ថបទ៖ ចាន់រ៉ា