សឿ សុធារ៉ា ចេញសារមួយឃ្លាធ្វើឱ្យ សូ ដានីតា ក្តៅស្លឹកត្រចៀក

រឿងរ៉ាវតារាសម្តែង សឿ សុធារ៉ា ដែលផ្ទុះកាលពីថ្មីៗនេះ ជុំវិញការជំពាក់បំណុលគេបានធ្វើឲ្យមានការភ្ញាល់ផ្អើលខ្លាំងដោយក្នុងនោះតារាស្រីអ្នកនាង សូ ដានីតា ក៏បានទម្លាយថា សឿ សុធារ៉ា ជំពាក់លុយខ្លួនជិត ៤ ម៉ឺនដុល្លារផងដែរ។

ទន្ទឹមគ្នានោះដែរអ្នកនាងសូដានីតាក៏បានទម្លាយដំណឹងដ៏រសើប និងភ្ញាក់ផ្អើលទៀតថាតារាស្រីអ្នក នាង សឿ សុធារ៉ា មិនមែនជំពាក់បំណុលតែខ្លួនម្នាក់នោះទេពោលគឺថែមទាំងកំពុងជាប់បំណុលច្រើនម្ចាស់ទៀតរហូតជាប់ពាក្យបណ្ដឹងជាង ១០ ករណីឯណ្ណោះ។

ជុំវិញបញ្ហាខាងលើកន្លងមកគេមិនទាន់ឃើញមានប្រតិកម្មណាមួយពីអ្នកនាង សឿ សុធារ៉ា នៅឡើយទេ។ ដោយឡែកថ្មីៗនេះគេស្រាប់តែឃើញអ្នក នាង សឿ សុធារ៉ា បានបង្ហោះសារខ្លីថា ពេលអ្នកបានបង្កើតហេតុអ្នកនឹងទទួលបានផលទាំងនោះមកវិញសាធុសាធុសាធុ។

អ្វីដែលគេកាន់តែចាប់អារម្មណ៍ទៀតនោះ សឿ សុ ធារ៉ាក៏បានបង្ហោះភ្ជាប់ជាមួយរូបភាពដែលមានសរសេរ status ដូច្នេះថា «សូមទេវតាបរាមុខពួកអ្នកឱ្យវិនាសលុយគេញើសឈាមគេអ្នកទទួលរែក ១០ ជាតិតកូនតចៅទៀតមិនអស់ផង»។

ដោយឃើញអ្នកនាង សឿ សុធារ៉ា បង្ហោះដូច្នេះភ្លាមៗនោះ សូ ដានីតា ក៏ បានពន្លយពាក្យទៅវិញថា «មានមុខមកផុសអ៊ីចឹងទៀតនាងអើយនាងចង់តែសើចឱ្យរហែកមាត់ទេកម្មពារមានពិតចាំតិចណានាងនឹងដឹងហើយ៕

អត្ថបទៈ ចាន់រ៉ា