ជីវិតកម្សាន្ដ
តាប៊ុយ ហាក់មិនសុខចិត្តថ្លៃជួសជុលរថយន្តជនរងគ្រោះ ជាង ២ ពាន់ដុល្លារ
មហាជនបានដឹងគ្រប់គ្នាហើយថាពិធីករល្បីឈ្មោះ VJ តាប៊ុយ ថ្មីៗនេះបានជួបហេតុការណ៍គ្រោះថ្នាក់ចរាចរណ៍ដ៏ភ្ញាក់ផ្អើលមួយបន្ទាប់ពីលោកបានបើករថយន្តស្ថិតក្នុងសភាពស្រវឹងជោគជាំទៅ បុកជាមួយរថយន្ត Prius ១គ្រឿងទៀតដែលកំពុងឈប់គោរពភ្លើងស្តុបចរាចរណ៍។
យ៉ាងណាមិញបន្ទាប់ពីកើតមានហេតុការណ៍នេះហើយភ្លាមៗ គេឃើញទាំងមតិរិះគន់ និងបង្ហាញការព្រួយបារម្ភចំពោះ VJ តាប៊ុយ ដោយលើកសំនួរថាតើលោកមានរបួសស្នាមឬយ៉ាងណាដែរ។ ប៉ុន្តែអំឡុងពេលនោះ តាប៊ុយ មិនឆ្លើយតបអ្វីឡើយ។
ដោយឡែកស្របពេលដែលមានសំនួរ និងក្តីបារម្ភច្រើនពីអ្នកគាំទ្រនោះដែរ VJ តាប៊ុយ ក៏បានចេញ មុខបញ្ជាក់ថាលោកមិនមានបញ្ហារបួសស្នាមអ្វីឡើយ ហើយលោកក៏សូមអរគុណដល់បងប្អូនទាំងអស់គ្នាសម្រាប់ការបារម្ភពីលោក។ទោះបីជាយ៉ាងណា លោកក៏បានបង្ហាញការមិនសុខចិត្តចំពោះតម្លៃជួសជុលរថយន្ត ចំនួន ២ ២៥០ ដុល្លារ ដោយអះអាងថា ជនរងគ្រោះមានចេតនាបន្លំវិក័យបត្រជួសជុលរថយន្ត ហើយថាតម្លៃជាង ២ ពាន់នេះ មិនសាកសមទៅ នឹងការខូចខាតរថយន្ត គឺសមត្រឹមតែ ១ ពាន់ដុល្លារប៉ុណ្ណោះ។
សូមរំឭកថា ករណីគ្រោះថ្នាក់ចរាចរណ៍បង្កការភ្ញាក់ផ្អើលនេះបានកើតឡើងពីកាលពីយប់រំលងអធ្រាត្រ ឈានចូលថ្ងៃទី ១៤ ខែធ្នូ ឆ្នាំ២០២១ ស្ថិតនៅ សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពនៅ កន្លែងកើតហេតុបានឲ្យដឹងថារថយន្តស៊េរីទំនើបម៉ាក Range Rover បើកបរដោយ VJ តាប៊ុយ បានបុកពី ក្រោយរថយន្តព្រូសពាក់ស្លាកលេខភ្នំពេញ 2AH -7048 ពេញមួយទំហឹងបង្កការខូចខាតហើយព្យាយាមបើករត់គេចខ្លួន រហូតដល់ចំណុចមុខអតីតទូរទស្សន៍ លេខ៣ផ្លូវ សហព័ន្ធរុស្ស៊ី ក្នុងសង្កាត់ ស្រះចក ខណ្ឌដូនពេញត្រូវបានជនរងគ្រោះ បើករថយន្ត ដេញឃាត់ជាប់ ទើបធ្វើសម្រុះសម្រួលគ្នាថា ចេញសំណងលើថ្លៃជួសជុលដែលខូចខាតរថយន្តជនរងគ្រោះ៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង