ជីវិតកម្សាន្ដ

តារាល្បីៗ និងថ្នាក់ដឹកនាំមួយចំនួនបង្ហាញវត្តមានចូលរួមមង្គលការ នៅ ស៊ីនឿន

បានផុស

២ years មុន

នៅ

ថ្ងៃពុធ ២២ ធ្នូ ២០២១

ដោយ

ទីបំផុតតារាចម្រៀងលោក នៅ ស៊ីនឿន និងគូដណ្តឹងបានដឹកដៃគ្នាចូលរោងការហើយ នៅថ្ងៃទី២២ខែធ្នូ ឆ្នាំ២០២១នេះ ខណ:ដែលតារាល្បីៗនិងថ្នាក់ដឹកនាំមួយចំនួនបង្ហាញវត្តមានចូលរួមអបអរថ្ងៃចូលរោងជ័យដល់ពួកគេទាំង២នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីមង្គលការរបស់លោក នៅ ស៊ីនឿន នាថ្ងៃនេះ បានរៀបចំធ្វើឡើងនៅសណ្ឋាគារសូហ្វីតែលភ្នំពេញ ដោយគេកត់សម្គាល់ឃើញលោក នៅ ស៊ីនឿន និងភរិយាបណ្ដូលចិត្ត បានតុបតែងខ្លួនយ៉ាងស្រស់ស្អាត ក្នុងសម្លៀកបំពាក់ប្រពៃណីខ្មែរ ធ្វើឱ្យមហាជនកោតសរសើរ និងជូនពរដល់គូស្វាមី-ភរិយារបស់ពួកគេទៀតផង។

កាន់តែពិសេសជាងនេះទៅទៀត នៅថ្ងៃចូលរោងការរបស់លោក នៅ ស៊ីនឿន និងភរិយានេះដែរក៏មានវត្តមានអញ្ជើញចូលរួមពីសំណាក់លោកជំទាវកិត្តិសង្គហបណ្ឌិត ម៉ែន សំអន,លោកជំទាវ ហ៊ុន ស៊ីណាត និងតារាមួយចំនួនដូចជា អ្នកនាង កាតុ និងស្វាមី,លោក កុយ ស៊ីឌឿន, អ្នកនាងប៉េង ប៉ោង និងតារាមួយចំនួនទៀត។

ក្នុងនោះ កូនកំដរខាងប្រុសក៏មានតារាចម្រៀង សុ វណ្ណារ៉ាក់ និង គ្រី ថៃពៅ ផងដែរ។ នាល្ងាចថ្ងៃដដែលជាពិធីជប់លៀងដែលរំពឹងថា មានតារារាប់រយនាក់នឹងមកចូលរួមអោយកក្រើកចុងឆ្នាំនេះសមជាមួយកេរ្តិ៍ឈ្មោះ នៅ ស៊ីនឿន ដែលល្បីឈ្មោះមួយដួងផងដែរ៕

អត្ថបទ៖ ចាន់រ៉ា