ជីវិតកម្សាន្ដ

នៅសុខៗសង្សារ នាយ ចឺម បង្ហោះសារយ៉ាងគ្រោតគ្រាតបែបនេះ

បានផុស

៤ years មុន

នៅ

ថ្ងៃពុធ ៩ កុម្ភៈ ២០២២

ដោយ

ទស្សនិកជនដឹងគ្រប់គ្នាហើយថា កន្លងមកតារាចម្រៀងវ័យក្មេង នាយចឺម បានទម្លាយការពិតនូវទំនាក់ទំនងស្នេហាជាមួយនារីរូបស្រស់ម្នាក់ ដែលគេដឹងថា ជាមេម៉ាយកូនមួយ។ អ្នកមេម៉ាយកូនមួ យ ដែលកំពុងតែមានទំនាក់ទំនងស្នេហាជាមួយនាយ ចឺម ត្រូវបានគេស្គាល់ឈ្មោះ សេង សុខឃីម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាដែលចំណងស្នេហារបស់ពួកគេកាន់តែមានភាពផ្អែមល្ហែម និងមានគាំទ្រពីមហាជនភាគច្រើននោះ ក៏ស្រាប់តែសង្សារនាយចឺម គឺអ្នកនាង សេង សុខឃីម មុននេះបន្តិចបានបញ្ចេញអារម្មណ៍មិនសប្បាយចិត្តហើយថែមទាំងនិយាយថា កាលដែលខ្ញុំដកអ្នកណាចេញពីចិត្តមកពីខ្ញុំព្យាយាមអស់លទ្ធភាពហើយ។

អ្នកនាងបន្តទៀតថា ខ្ញុំមិនដែលសោកស្ដាយនូវការសម្រេចចិត្តរបស់ខ្លួនឯងទេហើយមិនមែនខ្ញុំមិនចេះឈឺចាប់ តែខ្ញុំជ្រើសរើសមិនឲ្យពិបាកចិត្តរ៉ាំរ៉ៃរាល់ថ្ងៃចំពោះអ្វីដែលមិនសមបំណងខ្ញុំលើលោកនេះ គ្មានអ្វីសមតាមបំណងទាំងអស់ទេ។ សង្សារនាយចឺម និយាយទៀតថា ខ្ញុំដឹងត្រឹមថាបើនរណាស្រលាញ់ខ្ញុំពិត ខ្ញុំក៏ស្រលាញ់វិញដូចគ្នាមិនថាស្នេហា មិត្តភាពទេ អ្វីក៏ដោយនៅពេលដែលខ្ញុំដឹងថាគេកាត់បន្ថយការស្រលាញ់ពីខ្ញុំ អ្វីដែលខ្ញុំត្រូវធ្វើ គឺដូចគ្នា នឹងអ្វីដែលគេធ្វើដាក់ខ្ញុំ។

អ្នកនាង សេង សុខឃីម បន្ថែមថា ខ្ញុំមិនចេះធ្វើអ្វីតែម្ខាងឲ្យខ្លួនឯងកាត់តែពិបាកនោះទេ ព្រោះចិត្តនឹងបេះដូងរបស់ខ្ញុំ គឺត្រូវឲ្យអ្នកដែលដូចគ្នា នឹងខ្ញុំ នរណាផ្លាស់ប្ដូរ ខ្ញុំក៏ផ្លាស់ប្ដូរ នរណាស្មោះ ត្រង់ខ្ញុំក៏ស្មោះត្រង់ នរណាកាត់បន្ថយភាពល្អៗខ្ញុំកាត់បន្ថយដូចគ្នាតែបើអ្នកកាន់តែស្រលាញ់ខ្ញុំកាន់តែស្មោះត្រង់នឹងខ្ញុំមិនថានៅមុខឬក្រោយខ្នង ខ្ញុំក៏តបស្នងនូវអ្វីគ្រប់បែបយ៉ាងឲ្យអស់ពីបេះដូង ហើយបរិសុទ្ធបំផុតចំពោះទំនាក់ទំនងមួយនោះ។

ទោះបីជាយ៉ាងណាអ្នកនាង សេង សុឃីម មិនបានបញ្ជាក់ទេថា នាងកំពុងមានបញ្ហាអន់ចិត្តជាមួយអ្នកឡើយខណៈមានការសង្ស័យនឹងសំនួរថា អ្នកនាង សេង សុឃីម តើអាចទេដែលមានបញ្ហាអន់ចិត្តជាមួយគូស្នេហ៍បណ្តូលចិត្តនាយចឺម នោះ?។

សូមជម្រាបដែរថា តារាចម្រៀង ចឺម កន្លងមកធ្លាប់បានបញ្ជាក់កម្ពុជាថ្មីឲ្យដឹងថា សម្រាប់គូស្នេហ៍ក្រោយនេះ គឺស្គាល់គ្នាត្រឹមតែរយពេលខ្លីប៉ុណ្ណោះក៏ចាប់ផ្តើមកើតជាទំនាក់ទំនងស្នេហាតែម្តង។ នាយថា បច្ចុប្បន្នពួកគេកំពុងស្វែងយល់ចិត្តគ្នាបណ្តើរៗទម្រាំឆ្លងដល់អនាគត៕

អត្ថបទ៖ ចាន់រ៉ា