ជីវិតកម្សាន្ដ

កំពូលតារាសម្ដែងថៃ ៣ រូប សារភាពចំៗថា ស្រលាញ់ពេញចិត្តតារាប្រុស Gong Yoo ជាខ្លាំង

បានផុស

៣ years មុន

នៅ

ថ្ងៃសុក្រ ២៩ មេសា ២០២២

ដោយ

សាង ស្រីល័ក្ខ

Gong Yoo គឺជាតារាសម្ដែងរបស់កូរ៉េខាងត្បូងដ៏ល្បីល្បាញ ស្រីៗណាក៏ស្រលាញ់ពេញចិត្ត និងចង់បានរូបលោកមកធ្វើជាសង្សារផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅប្រទេសថៃឯណោះវិញ ក៏មានតារាស្រីៗជួរមុខ៣រូប បានសារភាពថា ខ្លួនពិតជាពេញចិត្ត និងសរសើរតារាកូរ៉េដ៏ល្បី Gong Yoo ថា ជាបុរសពិតៗក្នុងក្ដីស្រមៃពួកគេ។

១ Aff Taksaorn

ក្រោយសម្ភាសន៍ជាមួយអ្នកសារព័ត៌មានកាលពីឆ្នាំមុន Aff Taksaorn បាននិយាយថា Gong Yoo គឺជាប្រភេទបុរសដ៏ល្អរបស់នាង។ តាមសេចក្ដីរាយការណ៍ថា នាងក៏បានតាមដានជីវិតគាត់នៅលើ Instagram ខ្លាំងមិនធម្មតាដែរ។

២ Anne Thongprasom

នៅក្នុងកម្មវិធីទូរទស្សន៍ដ៏ពេញនិយម ‘3 Zaap’ កំពូលតារាសម្ដែងស្រី Anne Thongprasom បង្ហើបថា នាងពិតជាកោតសរសើរដល់កំពូលតារាកូរ៉េរូបនេះណាស់។ ជាពិសេសនាងក៏ព្រលយពាក្យថា គាត់ពិតជាសង្ហាណាស់។ មិនតែប៉ុណ្ណោះ នាងក៏សុំឲ្យមិត្តប្រុសរបស់នាង ធ្វើម៉ូដសក់ដូច Gong Yoo ផងដែរ។

៣ Baifern Pimchanok

ក្នុងកម្មវិធី “Waan Kanchai” Baifern Pimchanok បើកចំហថា នាងពិតជាស្រលាញ់និងគាំទ្រ Gong Yoo ជាខ្លាំង។ នាងបានសរសេរសារថា នាងបានបញ្ចប់ការងាររបស់នាង ហើយផ្ញើសារដោយផ្ទាល់ទៅគាត់នៅលើ Instagram។ ទោះជាយ៉ាងណា គាត់មិនបានអាន ឬឆ្លើយតបទៅនាងទេ។ យ៉ាងណាមិញ តារាសម្ដែងស្រីរូបនេះក៏បានសើច បន្ទាប់ពីនិយាយអំពីរឿងនេះ ទៅកាន់សាធារណជនឲ្យដឹងឮ៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែង ថៃ ៤ ដួង ពីតួនាទីតូចតាច រហូតក្លាយជាអ្នកដឹកនាំរឿងដ៏ល្បីប្រចាំប្រទេស

ចុចអាន៖តារាប្រុស ថៃ វ័យក្មេង ៦ ដួង កំពុងឆក់យកបេះដូងអ្នកទស្សនា ក្នុងនិងក្រៅប្រទេស