តារា ៧ រូបវះកាត់កែភេទបានជោគជ័យ សឹងមិនគួរឲ្យជឿ
Connect with us
Helistar Cambodia - Helicopter Charter Services

KPT+

តារា ៧ រូបវះកាត់កែភេទបានជោគជ័យ សឹងមិនគួរឲ្យជឿ

Published

on

សម័យនេះ​ ជា​សម័យ​ជឿន​លឿន ​ដូចនេះនរ​ណា​ៗ ​ក៏​អាច​កែប្រែ​អ្វីមួយ​ដែល​គេចង់បាន​ តាមលទ្ធភាពពួកគេ។​ ដូចគ្នានេះ តារាបរទេសល្បីៗប៉ុន្មានរូបដែលយើងមិនធ្លាប់ដឹងប្រវត្តិ តាមពិតពួកគេមិនមែនជាស្រីសុទ្ធឬប្រុសពិត១០០% ដូចដែលយើងឃើញឡើយ។

 Kpt Plus ​សូម​ចែក​រំលែក​តារា​ទាំង​៧ដួង​ដែល​ទទួល​បានជោគជ័យ​​ខ្លាំង ​បន្ទាប់​ពីពួកគេបាន​កែភេទរួច​៖

១. តារាម៉ូឌែល Geena Rocero

Geena​ ​Rocero ​ជា​តារា​ម៉ូឌែលល​ដ៏​ជោគជ័យ​មួយ​រូប។ ​ ​អ្វី​ដែល​មិនគួរ​ឲ្យជឿ​គឺថា មនុស្ស​ស្រី​ដ៏ស្រស់​ស្អាត​ម្នាក់​នេះ​​ការពិតជាបុរសសោះ​។ តារារូបនេះចាប់ផ្តើមកែរូបរាងនិងភេទរបស់ខ្លួន នៅកំឡុងឆ្នាំ ២០១៤ ហើយបន្ទាប់ពីនោះមក គេក៏បានក្លាយជាតារាម៉ូឌែលដ៏មានប្រជាប្រិយម្នាក់។

២. តារាសម្ដែង Lana Wachowski

The Wachowski sisters​ ​ជាបងប្អូន​ស្រី២នាក់​ដែល​ទស្សនិកជនភាគច្រើនបានស្គាល់តាមរយៈការ​សម្តែង​នៅក្នុងរឿង The Matrix រឿង ​Cloud Atlas រឿង V for Vendetta និងរឿង​ជាច្រើនទៀត។ Lana Wachowski ​បានកែ​ភេទ​របស់​ខ្លួនពី​មនុស្ស​ប្រុស​ទៅជាស្រី​មុន​ប្អូនប្រុស​ ​ឯប្អូន​ប្រុស​របស់​គាត់​ក៏បាន​កែ​ភេទ​បន្ទាប់គ្នា​​។ ​អ្វីដែល​សំខាន់​ពួក​គេទាំងពីរ​ធ្លាប់ទទួល​ពាន​រង្វាន់​សិទ្ធិ​មនុស្ស​ទៀតផង ដោយសារតែសកម្មភាពជួយសង្គមនានា។

៣. តារាយូធ្យូប Aydan Dowling

អាច​ទេ​ដែល​មនុស្ស​ស្រី​​កែ​ភេទ​ទៅ​ជាប្រុស បាន​ក្លាយទៅ​ជា​អ្នក​ផ្តល់ប្រឹក្សា​អំពីសុខភាពបុរស​? ​មិន​​ឆ្ងល់នោះទេ! ​យើងអាច​ចូល​ទៅកាន់ ​​YouTube​ ​Chanel​ របស់ Aydan Dowling និងមើលវីដេអូគាត់ជាច្រើនបាន។ ​ពេលនេះ តារាយូធ្យូបរូបនេះ ក្លាយជា​ឪពុកម្នាក់​ ​និង​ក៏ជា​អ្នក​ជំនាញ​ខាង​កាយ​សម្បទាម្នាក់ផងដែរ។​ អ្វី​ដែល​សំខាន់​គេ​គឺ​ជាស្រ្តី​កែ​ភេទទៅ​ជាបុរស​ ​ហើយ​បានណែនាំ​ដល់មនុស្ស​ដែល​កែភេទ​មួយ​ចំនួន​មក​ប្រើ​ពីវិធី​ហាត់ដ៏​មាន​ប្រ​សិទ្ធ​ភាព​សម្រាប់រាងកាយ។

៤. គ្រូបង្វឹក Balian Buschbaum

Balian ធ្លាប់​ប្រើ​ជីវិត​របស់​នាង​ក្នុងវិស័យ​កីឡា​ក្នុងការ​ប្រកួត​នានា​របស់​ប្រទេស​អាល្លឺម៉ង់​។ ​កំឡុងឆ្នាំ​២០០៧ ​នាងបាន​ឈប់​ពី​វិស័យ​កីឡា​មួយ​នេះ ​ដោយសារ​តែ​មាន​របួស​ក្នុង​ពេល​ប្រកួត​។ បន្ទាប់មកនាង ​ក៏បាន​ប្រែ​ភេទទៅ​ជាបុរស​តាម​ដំណាក់​កាល​នៃការ​វះកាត់​។ ​បច្ចុប្បន្ន​នេះ ​Balian គឺជា​គ្រូ​បង្វឹក​ដ៏​ជោគជ័យ​ម្នាក់ ព្រម​ទាំង​ជា​ឪពុក​ម្នាក់ ​និង​ជា​អ្នកនិពន្ធ​ផងដែរ​។

៥. ផលិតករកម្មវិធីទូរទស្សន៍ Jazz Jennings

Jazz មាន​ចរិត​ជា​មនុស្ស​ស្រី​ តាំង​ពីអាយុ ៩ ឆ្នាំ ​ហើយ​គេ​ធ្លាប់​បាន​ផ្ញើ​វីដេអូ​មួយ​ទៅ​កាន់​លោកអតីតប្រធានាធិបតីអាមេរិកលោក ​Barack Obama ដើម្បី​ស្នើ​សុំ​សិទ្ធិ​ឲ្យ​មនុស្ស​កែ​ភេទ​។ ​ប៉ុន្មាន​​ឆ្នាំក្រោយ​មក​ ​គេ​ក៏​បាន​ក្លាយ​ទៅ​ជា​មនុស្ស​ស្រី​ដ៏​ស្រស់​ស្អាត​ម្នាក់​ដែល​គ្រប់គ្នាបាន​ដឹង​ថា ​នាង​​កែ​ភេទ​​ជោគជ័យហើយ​។ ពេលនេះ​នាង​ជាផលិត​កម្មករវិធី​ទូរទស្សន៍​មួយ​ដែល​ហៅថា “I Am Jazz TV show” ។

៦. តន្ត្រីករ Laura Jane Grace

Laura Jange Grace ជាឈ្មោះដែល​​បាន​ប្តូរពី​ឈ្មោះ​ដើម Thomas James Gabel។ នាង​ជា​អ្នកលេង​ហ្គីតា​ម្នាក់​ក្នុង​ក្រុម​តន្ត្រី Against Me។ ក្នុងនាមជា​តន្ត្រី​ការិនី​ដ៏​ល្បី​ម្នាក់​មិន​បាន​ធ្វើ​ឲ្យ​នាង​សប្បាយចិត្ត​នោះ​ទេ។​ រហូត​ដល់​ឆ្នាំ​ ២០១២​ នាង​បាន​ប្រកាស​ជា​សាធារណៈ​ថា ខ្លួនធ្វើ​ការ​កែ​ភេទ​។ បច្ចុប្បន្ន​គាត់​ពេញ​ចិត្ត​នូវ​រូប​រាង​ដ៏ថ្មី​របស់​ខ្លួន ​បន្ទាប់​ពី​បាន​កែ​ភេទជាស្រីរួច​ជា​ស្ថាពរ​។

៧. តារាម៉ូឌែល Lea T

​Leandra​ ​Medeiros​ ​Cerezo​ ​ជា​ម៉ូឌែល​ដ៏​ជោគជ័យ​ម្នាក់ដែល​គ្រប់គ្នា​សឹង​មិន​ជឿ​ថា ​នាង​ជា​មនុស្ស​ប្រុស​កែ​ភេទ​ទៅ​ជា​ស្រ្តីឡើយ​។ គេជា​កូន​របស់​តារា​បាល់​ទាត់​ម្នាក់​ឈ្មោះ Toninho Cerezo ​ហើយ​នាង​ក៏​ធ្លាប់​ជា​មនុស្ស​ដំបូង​ដែល​បាន​ចូល​ប្រកួត​កីឡា​អូឡាំពិក​ផងដែរ។ កាលមិនទាន់កែភេទ ​គេ​ធ្លាប់ដឹក​នាំ​ក្រុម​កីឡាករ​ជិះកង់​របស់​ប្រទេស​ប្រេ​ស៊ីលឲ្យទទួល​ជោគ​ជ័យ​ក្នុងការប្រកួត។ ក្រោយទទួលជ័យជម្នះ គេ​​រកចំណូល​បាន​ច្រើនឡើង​ រហូតមានឱកាសអាច​កែ​ភេទ​បាន​ដោយជោគ​ជ័យ ៕

ប្រែសម្រួល៖ Blossom

ចុចអាន៖

ចុចអាន៖ មកស្គាល់ការងារ​ដំបូង​ៗនៃកំពូលតារាទាំងនេះមុន​ពេលបាន​ល្បីល្បាញ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services