ភ្ញៀវលំដាប់ប្រទេសធំៗ​​ ចូលរួម​មង្គលការកូនពិធីការិនី គង់ សុជាតិ 

អ្នកនាងគង់ សុជាតិ និងស្វាមីលោកជា វិបុលបានធ្វើពិធីរៀបមង្គលការ​ឲ្យកូន​ឈ្មោះម៉ៅសា លភាពបុត្រ និង ឈន ពុទ្ធាវីន នៅថ្ងៃទី១៨ខែ មិថុ នាឆ្នាំ២០២២ នៅអគារHនិងI ដឺព្រេមៀ សេនធ័រ សែនសុខ រាជធានីភ្នំពេញពិតជាធ្វើឲ្យ​កក្រើក​​ក្នុងពិភពសិល្បៈ​តែម្ដង​ព្រោះកម្មវិធីនេះ​រៀបចំទៅតាមប្រពៃណីខ្មែរទាំងអស់​។

ពិធីនេះនៅពេលព្រឹកមានការអញ្ជើញចូលរួមពីសំ ណាក់ភ្ញៀវជាជនល្បីៗក្នុងសង្គមចូលរួមកាត់សក់ដល់​កូន​ប្រុសនិងកូន​ប្រសារ​អ្នកនាងសុជាតិ មានដូចជាលោកឧកញ៉ាលាង ឃុន និងលោកជំទាវ ជាស្ថាបនិកនិង​ក្រុម​ប្រឹក្សាភិបាល​ក្រុម​ហ៊ុនខ្មែរប៊ែវើរីជីស ឧកញ៉ាអ៊ឹង ឆៃងួន និងលោកជំទាវ ជាអគ្គនាយក​ក្រុមហ៊ុនហង្សមាស លោកជំទាវហ៊ុន ស៊ីណាត ,ឯកឧត្តមជុំ កុសល និង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លោ​ក​​​​​​​​​​​​​​​​​​​​​​​​​​​​ជំទាវ និងអ្នក​នាង​យុគ ចិន្ដា រួមទាំងតារាល្បីៗជាច្រើនដួងមានដូចជាឱក សុគន្ធកកញ្ញា ,សុ​គន្ធ និសា ,អេដា​,​សុខ​ ​សីឡាលីន ,នៅ ស៊ីនឿន ,ឃុំ ប៉ុណ្ណាដែត ជាដើម។

ដោយឡែកសម្រាប់កម្មវិធីជប់លៀងនៅពេលល្ងាចវិញមានភ្ញៀវកិត្តិយសជាច្រើនបានទៅសាទរអ្នកនា ងគង់ សុជាតិ ដែលបានកូនប្រសារដំបូង ហើយក៍មានការចូលរួមពីលោក​ឧកញ៉ាព្រាប សុវត្ថិ ,ខេមរៈ សិរីមន្ដ,តារាចម្រៀងពេជ្រ សោភា,សួស វីសា ,ណា ក់ ស្រី​ណា,ប៉ែន ស្រីពេជ្រ,ណុប បាយ៉ារិទ្ធ ,នី រតនា និងតារារាប់រយនាក់ផ្សេងទៀត។

៊លោកជា វិបុល បានឡើងប្រកាសលើឆាកតំណាងឲ្យក្រុមគ្រួសារទាំងសង​ខាងថា​លោក​សូមថ្លែងអំណរគុណដល់លោកឧកញ៉ា,ឯកឧត្តមលោកជំទាវ ,ភ្ញៀវបកិត្តិយសនិង​មិត្ត​អ្នក​សិល្បៈ​ទាំងអស់ដែលបានអញ្ជើញចូលរួមផ្ដល់កិត្តយសដល់​ក្រុមគ្រួសាររបស់លោកនៅ​ថ្ងៃពិសេសរបស់កូនប្រុសនៅពេលនេះ។លោកថាភ្ញៀវទាំងអស់ដែលលោកនិងគ្រួសារបានអញ្ជើញគឺមកទាំងអស់គ្មានអ្នកណាខកខានម្នាក់ឡើយ។

ដោយឡែកកំពូលតារាចម្រៀងឧកញ៉ាព្រាប សុវត្ថិ បានឡើងបកស្រាយបទ​ចម្រៀង​ដែលមានចំណងជើងថា”ទ្រព្យគាប់ចិន្ដា”ដើម្បីជាកាដូដល់កូនប្រុសស្រីអ្នកនាងសុជាតិ ផង​ដែរ។អ្នកនាងសុជាតិ មិនបញ្ជាក់ថាមង្គលការកូនច្បងរបស់នាង​ចំណាយអស់ទឹកប្រាក់​ប៉ុន្មាន​នោះទេ តែតាមអ្នករៀបចំកម្មវិធីបង្ហើបថាពិធីជប់លៀងនោះគឺធ្វើចំនួន៨០តុ។

អ្វីដែលគូរឲ្យកត់សម្គាល់នៅថ្ងៃរៀបការកូនទី១រប ស់អ្នកនាងគង់ សុជាតិ នោះដែរគេ​ឃើញ​មានការអញ្ជើញចូលរួមរបស់អតីតស្វាមីអ្នកនាងសុជាតិ គឺលោកម៉ៅ សាលភាព ដែល​ជាឪពុករបស់កូនកំ លោះផងដែរ ទើបធ្វើឲ្យលោកបុត្រ រំភើបរហូតដល់រលីង​រលោងទឹកភ្នែក​ទៀត​ផង ខណៈដែលលោកវិបុល ត្រូវបានមហាជនសរសើរចំពោះការបំ​ពេញតួនាទីរបស់​លោក​ជា​ឪពុកដ៍ល្អក្នុងកម្មវិធីពីដើមរហូតដល់ចប់ព្រោះលោក​ស្រលាញ់កូនមុនរបស់ភរិយា​ដូចកូនលោកបង្កើតដែរ ដែលចំណុចនេះហើយធ្វើឲ្យពិធីការិនីល្បីល្បាញ​ជាង២ទសវត្សន៍​អ្នកនាងសុជាតិ មាន​​ភាពកក់ក្ដៅបំផុតក្នុងជីវិត៕

អត្ថបទ៖ ចាន់រ៉ា