ជីវិតកម្សាន្ដ
ហេង សុទ្ធនិស្ស័យ លំដាប់រងទី ១ Miss Universe Cambodia មានប្រវត្តិជោគជ័យមិនធម្មតា
ហេង សុទ្ធនិស្ស័យ លំដាប់រងទី ១ Miss Universe Cambodia មានជីវប្រវត្តិជោគជ័យមិនធម្មតា ដែលពិតជាសាកសមឥតខ្ចោះ ក្នុងនាមជាស្ដ្រីតំណាងឲ្យប្រទេសកម្ពុជាចូលរួមប្រកួតលើឆាកអន្តរជាតិ។
ស្រីស្អាត ហេង សុទ្ធនិស្ស័យ មានអាយុ ២៥ ឆ្នាំ ដែលបានបញ្ចប់ការសិក្សាផ្នែកទំនាក់ទំនងអន្តរជាតិ និស្ស័យ មានប្អូនចំនួន ៣ នាក់ ហើយនាងជាកូនពៅនៅក្នុងគ្រួសារ ដែលមានលោកឪពុកជាមន្ដ្រីរាជការ និងអ្នកម្ដាយជាស្ដ្រីមេផ្ទះ។ បើនិយាយពីការសិក្សាវិញ និស្ស័យ អាចនិយាយភាសាអង់គ្លេសបានយ៉ាងស្ទាត់ជំនាញ ហើយនាងក៏បានជាប់ចំណាត់ថ្នាក់លេខ ១ ក្នុងការប្រកួតការនិយាយជាភាសាអង់គ្លេស កាលពីឆ្នាំ ២០១៥ របស់សាលារៀនប៊ែលធី។ នៅឆ្នាំ ២០១៧ កញ្ញាក៏ធ្លាប់ធ្វើជាអ្នកបម្រើការនៅលើយន្តហោះផងដែរ។ លើសពីនេះទៅទៀត ស្រីស្អាតស្រអែមស្រស់រូបនេះ ក៏បានបញ្ចប់ការសិក្សា Exchange Program នៅសាលា Bridgewater State University ប្រទេសអាមេរិកកាលពីឆ្នាំ ២០១៩ និងបានឈ្នះមេដាយ និងពានរង្វាន់ក្នុងការនិយាយជាសាធារណៈពេលសិក្សានៅក្រៅប្រទេសទៀតផង។
បើក្រឡេកមើលពីភាពជោគជ័យរបស់កញ្ញាលើការប្រកួតសម្រស់វិញ ហេង សុទ្ធនិស្ស័យ ធ្លាប់ជាអតីតកញ្ញាឯក Miss University 2016 ចំណាត់ថ្នាក់លេខ ២ និងធ្លាប់បានចូលរួមប្រកួតកម្មវិធី Miss Cosmopolitan World 2016 នៅប្រទេសម៉ាឡេស៊ី ដែលទទួលបានពាន ២ គឺពាន Best in talent & Best Eyebrows និងកាលពីឆ្នាំ ២០២០ កញ្ញាក៏បានតំណាងឲ្យកម្ពុជាចូលប្រលងកម្មវិធី Miss Earth Interntional ដែលឈ្នះមេដាយមាស The Best In Talent Show ហើយក្នុងពេលថ្មីៗនេះ កញ្ញាក៏បានប្រលងក្នុងកម្មវិធី Miss Universe Cambodia ២០២២ ទទួលបានលំដាប់រងទី ១ ។ ក្រៅពីមានសម្រស់ស្អាតហើយ និស្ស័យក៏អាចច្រៀងបានយ៉ាងពីរោះមិនថាបទចម្រៀងខ្មែរ និងបរទេស។
គួររំលឹកថា បើទោះបី កញ្ញា ហេង សុទ្ធនិស្ស័យ មិនបានគ្រងមកុដ Miss Universe Cambodia ២០២២ ក៏ពិតមែន ប៉ុន្តែភាពក្លាហាន សមត្ថភាពដ៏អស្ចារ្យរបស់កញ្ញាបានដក់ជាប់ក្នុងចិត្តប្រជាជនកម្ពុជាជាច្រើនរូប ហើយក៏កំពុងរងចាំការជោគជ័យរបស់កញ្ញាជាបន្ដបន្ទាប់៕
អត្ថបទ៖ ផានិត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?