Connect with us

ជីវិតកម្សាន្ដ

Lady Gaga តស៊ូសម្តែងក្នុងក្លឹប ក្លាយជាតារាចម្រៀងស្រីល្បីលើសកលលោក

បានផុស

នៅ

Stefani Joanne Angelina Germanottaឫក៏ “Lady Gaga” គឺជាអ្នកនិពន្ធបទចម្រៀង តារាចម្រៀង និងជាតារាសម្តែងជនជាតិអាមេរិក។ Gaga ត្រូវ​បាន​គេ​ស្គាល់​ភាគ​ច្រើន​តាម​រយៈ​បទ Poker Face Bad Romanceនិង Joanne។ សព្វថ្ងៃនេះ Gaga គឺជាតារាចម្រៀងប៉ុបស្រីដ៏ល្បីល្បាញបំផុតមួយ នៅក្នុងពិភពលោក។

ជីវិតឯកជន

Lady GaGa កើតនៅថ្ងៃទី ២៨ ខែមីនា ឆ្នាំ ១៩៨៦ នៅទីក្រុងញូវយ៉ក។ Gaga កើតក្នុង គ្រួសារកាន់ សាសនាកាតូលិកជាមួយប្អូនស្រីម្នាក់ ឈ្មោះ Natali និងមានម្តាយឈ្មោះ Cynthia Louise (Bissett) គាត់ជាជនជាតិអ៊ីតាលីកាត់ស្កុតឡេន ហើយគាត់ជាសប្បុរសជន ក៏ជានាយកប្រតិបត្តិអាជីវកម្មមួយដែរ។ រីឯឪពុករបស់នាង មានឈ្មោះថា Joseph Anthony Germanotta ជាសហគ្រិនអ៊ីនធឺណិត គាត់ជាជនជាតិដើមកំណើតអ៊ីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រវត្តិការសិក្សា

នាងចាប់ផ្តើមរៀនលេងព្យាណូ និងច្រៀងតាំងពីអាយុ ៤ ឆ្នាំមកម្លេះ ហើយនៅអាយុ ១១ ឆ្នាំនាងបានចូលរៀននៅសាលា Convent of the Sacred Heart។ លុះឈានដល់វ័យ ១៧ ឆ្នាំ នាងគឺជាមនុស្សម្នាក់ ក្នុងចំណោមមនុស្ស ២០ នាក់នៅលើពិភពលោក ដែលទទួលឲ្យចូលរៀននៅសាលា Tisch School of the Arts របស់សាកលវិទ្យាល័យញូវយ៉ក។

ដំណើរជីវិត មុនចូលសិល្បៈនិងស្នាដៃក្នុងសិល្បៈ

នៅអាយុ ១៩ ឆ្នាំ Gaga បានដកខ្លួនចេញពីការសិក្សារបស់នាង ហើយបានចាកចេញពីផ្ទះឪពុកម្តាយ ដោយចាប់ផ្តើមអាជីពជាអ្នកសម្តែងនៅក្នុងក្លឹប Lower East Side នៅ​ទី​នោះ នាង​បាន​រក​ឃើញ​ខ្លួន​ឯង​ ចង់​សាកល្បង​អ្វី​ដែល​ប្លែក នាងបានជួបសិល្បករសម្តែង Lady Starlight ក្នុងអំឡុងពេលនោះ បន្ទាប់ពីការសម្តែងនៅពិធីបុណ្យ Lollapalooza ក្នុងឆ្នាំ ២០០៧។ នាងបានចុះហត្ថលេខាដោយ Vince Herbert ដើម្បី Streamline Records ដែលជាការបោះពុម្ពនៃ Interscope Records ហើយបានចាប់ផ្តើមនៅពេលដែលនាងបានសហការជាលើកដំបូងជាមួយសិល្បករហ៊ីបហបអាមេរិក Melvin Grover នៅលើសៀវភៅអូឌីយ៉ូដែលផ្តោតលើយុវវ័យ។ Gage ថែមទាំង បានបង្កើតក្រុមតន្រ្តីមួយដែលមានឈ្មោះថា ‘SG Band’ ដែលនាងបានចាប់ដៃជាមួយមិត្តមួយចំនួន ដូចជា Eli Silverman និង Alex Beckmann។ ក្រុម SG Band បានចាប់ផ្តើមសម្តែង នៅក្លឹបរាត្រី ផ្សេងៗជុំវិញទីក្រុង ហើយការសម្តែងរបស់ពួកគេទទួលបានការគាំទ្រយ៉ាងខ្លាំង។ មិនយូរប៉ុន្មាន ក្រុមតន្រ្តីនេះទទួលបានការចាប់អារម្មណ៍ពីផលិតករតន្ត្រីម្នាក់ឈ្មោះ Joe Vulpis ។ គាត់បានណែ នាំ Gaga ដល់ផលិតករតន្ត្រីម្នាក់ទៀតឈ្មោះ Rob Fusari ។ Gaga បានចាប់ផ្តើមផ្លាស់ទីលំនៅពី New York ទៅ New Jersey ក្នុងការដេញថ្លៃដើម្បីថតបទចម្រៀងថ្មី ដែលនាងបានសរសេឲ្យ Fusari ។ ជាក់ស្តែង Fusari បានធ្វើឱ្យឈ្មោះរបស់នាងរួមជាមួយបទចម្រៀងបានល្បីល្បាញរន្ទឺ។ ក្នុងឆ្នាំ ២០០៧ Gaga បានចុះកុងត្រាជាមួយ ‘Interscope Records’ នាងបានធ្វើការជាអ្នកនិពន្ធទំនុកច្រៀង និងនិពន្ធបទចម្រៀងជាច្រើនសម្រាប់ ‘The Pussycat Dolls’ និង Britney Spears។ របកគំហើញដ៏ធំរបស់នាងបានកើតឡើងក្នុងឆ្នាំ២០០៨ នៅពេលនាងចេញបទចម្រៀងដំបូង ‘Just Dance’។ បទចម្រៀងនេះ បានល្បីល្បាញ ហើយនាងបានក្លាយជាតារាដ៏ពេញនិយមសម្រាប់ឧស្សាហកម្មតន្ត្រីយ៉ាងឆាប់រហ័ស ដែលធ្វើឲ្យនាងឈ្នះពានរង្វាន់ក្នុងកម្មវិធីធំៗរួមមាន Grammy Awards និង Billboard music។ បន្ថែមពីលើនេះ lady gaga ជាតារាមួយរូបនិយមការតុបតែងខ្លួន ប្លែកៗ ធ្វើឲ្យនាងទទួលបានការចាប់អារម្មណ៍មួយកំរិត ទៀតពីយុវវ័យនៅពេលបច្ចុប្បន្ននេះ។

គួរបញ្ចាក់ថា ក្រៅពីច្រៀងនាងក៏ធ្លាប់សម្តែងជាតួឯក្នុងរឿង”A Star is Born” ក៏ដូចនាពេលថ្មីៗនេះនាង ទើបតែបញ្ចប់ស្នាដៃសម្តែងក្នុងរឿង “house of gucci”ទទួលបានការ គាំទ្រយ៉ាងខ្លាំងពីមហាជន។ គិតត្រឹមខែមិថុនា ឆ្នាំ ២០២២ ទ្រព្យសម្បត្តិសុទ្ធរបស់នាង ត្រូវបានគេប៉ាន់ស្មានថាមានចំនួន ៣២០ លានដុល្លារ ចំនួនទឹកប្រាក់ យ៉ាងច្រើននេះបានមក ពីលក់អ៊ាល់ប៉ុមរួមទាំងការលក់ សំបុត្រប្រគុំតន្រ្តីជុំវិញពិភពលោកនិងសម្តែង។ ទទ្ទឹមនោះ ទម្រាំសាងកេរ្តិ៍ឈ្មោះល្បីល្បាញដូចសព្វថ្ងៃ នាងធ្លាប់បាក់ទឹកចិត្ត នៅពេលមានអាយុ ១៩ ឆ្នាំ ដោយត្រូវបានគេរំលោភធ្វើឲ្យនាងចង់ បោះបង់ក្តីស្រមៃចោលថែមទៀតផង៕

ប្រែសម្រួល៖នាងតូច

ចុចអាន៖អ្នកបញ្ចូលសម្លេងតុក្កតា Disney ជាតារាល្បីៗទាំង ១០ រូបនេះសោះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម