ព័ត៌មានអន្ដរជាតិ

ហេតុអ្វីអាមេរិកសុខចិត្តជ្រើសរើសយកវិធីវាយអ៊ីរ៉ង់តែឯង ដោយមិនឲ្យអ៊ីស្រាអែលរួមដៃនាពេលនេះ?

បានផុស

៣២ វិនាទី មុន

នៅ

ថ្ងៃអង្គារ ២១ កក្កដា ២០២៦

ដោយ

ជម្លោះដែលបង្កឡើងដោយសហរដ្ឋអាមេរិក-អ៊ីស្រាអែលលើអ៊ីរ៉ង់ ចាប់តាំងពីថ្ងៃទី២៨ ខែកុម្ភៈ មកទល់ពេលនេះមិនទាន់ចប់នៅឡើយទេ ថែមទាំងកាន់តែខ្លាំងជាងមុនទៀតផង។ ប៉ុន្តែទោះបីជាជម្លោះកាន់តែខ្លាំងជាងមុន ទីក្រុងវ៉ាស៊ីនតោនចង់រក្សាអ៊ីស្រាអែលឱ្យនៅឆ្ងាយពីការកើនឡើងនៃភាពតានតឹងផ្នែកយោធារវាងអាមេរិកនិងអ៊ីរ៉ង់នាពេលបច្ចុប្បន្ន ដើម្បីទប់ស្កាត់ការផ្ទុះជម្លោះធំក្នុងតំបន់ រក្សាវិសាលភាពជាក់លាក់សម្រាប់ច្បាប់នៃការចូលរួម និងទុកផ្លូវសម្រាប់ការចរចាការទូតជាមួយអ៊ីរ៉ង់ ពីព្រោះអាមេរិកមិនព្យាយាមប្រយុទ្ធនឹងសង្គ្រាមដែលគ្មានទីបញ្ចប់នោះទេ។

លោក ត្រាំ និង លោក ណេតាន់យ៉ាហ៊ូ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ មានការលើកឡើងថា សហរដ្ឋអាមេរិកចង់ឈ្នះសង្គ្រាមអ៊ីរ៉ង់ គឺមានលក្ខណៈពិបាកប៉ាន់ស្មាន ព្រោះទីក្រុងវ៉ាស៊ីនតោន ចូលចិត្តប្រើសម្ពាធយោធានិងការរារាំងដែលមានរបៀប ជាជាងបង្កឱ្យមានការឆាបឆេះក្នុងតំបន់ដែលអាចកើតមាន។

+ យោងតាមសារព័ត៌មាន CNN ឱ្យដឹងថា ភាពខុសគ្នាខាងយុទ្ធសាស្ត្ររបស់អាមេរិកនិងអ៊ីស្រាអែលនិង ការគ្រប់គ្រងហានិភ័យនៃការកើនឡើងនៃភាពតានតឹងបន្ថែម៖

១. គោលដៅអតិបរមាទល់នឹងគោលដៅមានកំណត់៖ អ៊ីស្រាអែលពេញចិត្តនឹងសម្ពាធយោធាជាបន្តបន្ទាប់ និងទាំងស្រុង ក្នុងគោលបំណងផ្តួលរលំរបបមួយជាប្រព័ន្ធ ចំណែកឯទីក្រុងវ៉ាស៊ីនតោនស្វែងរកការរឹតបន្តឹងជាក់លាក់លើសមត្ថភាពមីស៊ីល និងកងទ័ពជើងទឹក រួមផ្សំជាមួយនឹងកិច្ចព្រមព្រៀងការទូតដែលអាចកើតមាន។

២. ភាពតានតឹងសេដ្ឋកិច្ចពិភពលោក៖ ភាពវឹកវរក្នុងតំបន់ដ៏រ៉ាំរ៉ៃ និងទូលំទូលាយ ប៉ះពាល់យ៉ាងធ្ងន់ធ្ងរដល់ទីផ្សារពិភពលោក ផ្លូវដឹកជញ្ជូន និងតម្លៃថាមពល ជាការចំណាយដែលសហរដ្ឋអាមេរិកទទួលបន្ទុកទូទាំងពិភពលោក ប៉ុន្តែខ្លួនពិតជាចង់ឱ្យជម្លោះបញ្ចប់លឿន។

៣. គោលការណ៍នៃការចូលរួម៖ ការអនុញ្ញាតឱ្យអ៊ីស្រាអែលវាយប្រហារក្នុងប្រទេសអ៊ីរ៉ង់ប្រឈមនឹងហានិភ័យនៃការសងសឹកដ៏ធំ ដែលបំបែកព្រំដែនប្រតិបត្តិការបច្ចុប្បន្ន កំណត់ដោយបញ្ជាការកណ្តាលអាមេរិក។

៤. ការការពារស្ថិរភាពក្នុងតំបន់៖ ឥទ្ធិពលសកម្មរបស់អ៊ីស្រាអែលប្រឈមនឹងហានិភ័យនៃការទាក់ទាញប្រទេសជាច្រើនឱ្យចូលរួម ដែលធ្វើឱ្យកិច្ចខិតខំប្រឹងប្រែងរបស់សហរដ្ឋអាមេរិកក្នុងជម្លោះ និងការគ្រប់គ្រងរដ្ឋដៃគូ នៅឈូងសមុទ្រមានភាពស្មុគស្មាញ៕

សម្រួល៖ ណឺ មិនា