ជីវិតកម្សាន្ដ

Bella បង្ហោះរូបដើរលេងជាមួយម្តាយ មហាជនចាប់អារម្មណ៍ខ្លាំងលើស្នាមញញឹម និងសំណេរ

បានផុស

៤ years មុន

នៅ

ថ្ងៃចន្ទ ២២ សីហា ២០២២

ដោយ

Bella Ranee បាននាំអ្នកម្ដាយរបស់នាងដើរលេងកម្សាន្តចិត្ត ទៅកាន់ទីក្រុង Kanchanaburi ក្នុងទិដ្ឋភាពសាមញ្ញបំផុត។ ប៉ុន្តែអ្វីដែលគេចាប់អារម្មណ៍ម្ដាយកូនរូបនេះ គឺស្នាមញញឹមរបស់អ្នកទាំងពីរ និងសំណេរលើរូបភាពទៅវិញ។

ក្នុងដំណើរកម្សាន្តដ៏សាមញ្ញនេះ ម្តាយនិងកូនថតរូបជាមួយទិដ្ឋភាពលើស្ពានមួយ ក្នុងនោះ Bella បានសរសេរសំណេរយ៉ាងខ្លីថា “ពេលវេលាដ៏មានតម្លៃ សុភមង្គលសាមញ្ញ ជីវិតកំពុងទៅមុខ”។

ទន្ទឹមនោះដែរ អ្នកគាំទ្ររបស់នាងបានបញ្ចេញមតិដូចៗគ្នាថា វាជារូបថតនៃដំណើរកម្សាន្តដ៏សាមញ្ញ និងគួរឲ្យស្រលាញ់ណាស់។ ជាពិសេសស្នាមញញឹមដ៏ស្រស់ស្អាតរបស់ Bella និងអ្នកម្ដាយយ៉ាងល្អឥតខ្ចោះ សមនឹងសារុងដែល Bella ស្លៀកលម្អលើខ្លួនថែមទៀត។ ចំណែកហ្វេនៗមួយចំនួនក៏បាននិយាយផ្សេងទៀតថា Bella កំពុងតែដើរទៅមុខហើយនាងញញឹមស្រស់ណាស់។

គួរបញ្ជាក់ថា ក្រោយតារាសម្ដែងស្រី Bella ប្រកាសថាខ្លួននៅលីវ មហាជនហាក់មើលឃើញថាទំនាក់ទំនងម្ដាយកូនកាន់តែស្អិតល្មួតលើសមុន។ ថ្មីៗនេះ គេឃើញម្តាយនិងកូនស្រីតែងមានដំណើរកម្សាន្តជាមួយគ្នាគ្រប់ពេល ដូចជានាំម្ដាយទៅធ្វើបុណ្យ ឬមានកម្មវិធីជួបជុំគ្រួសារជាដើម។ ខណៈអ្នកម្ដាយរបស់នាង ទើបតែធ្វើឲ្យកូនស្រីភ្ញាក់ផ្អើលខ្លាំងក្នុងថ្ងៃបុណ្យម្ដាយ បន្ទាប់ពីគាត់បានទិញកាបូបម៉ាកយីហោល្បីឲ្យកូនស្រី ហើយក៏ធ្វើឲ្យ Bella ស្រែកហ៊ោសប្បាយពេញចូលផ្ទះដូចគ្នា ៕

សូមទស្សនារូបភាពខាងក្រោម៖