ជីវិតកម្សាន្ដ

អ្នកលេងអ៊ីនធឺណិតកាន់តែសង្ស័យខ្លាំង ក្រោយធ្លាយរូបភាព V បង្ហោះដូច Jennie បេះបិទ

បានផុស

៣ years មុន

នៅ

ថ្ងៃសុក្រ ៩ កញ្ញា ២០២២

ដោយ

កាលពី ២សប្តាហ៍មុនសមាជិកក្រុម BLACKPINK ទាំង៤រូប បានធ្វើដំណើរទៅទីក្រុង New York ដើម្បីសម្ដែង VMAS ឆ្នាំ២០២២ ហើយឡើងយន្តហោះនៅថ្ងៃទី ២៥ ខែសីហា ខណៈដែល V សមាជិក BTS ត្រូវបានគេប្រទះឃើញនៅអាកាសយានដ្ឋាន Incheon លឿនជាងកាលបរិច្ឆេទដែលនឹងមកដល់របស់ BLACKPINK ។ នៅពេលនោះ មនុស្សជាច្រើនមិនដឹងថា ហេតុអ្វីបានជា V ធ្វើដំណើរ ប៉ុន្តែក្រោយមកបានបង្ហើបថាគាត់កំពុងថតឲ្យទស្សនាវដ្ដី Vogue ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ អ្នកនិយមលេងអ៊ីនធឺណិតកូរ៉េជាច្រើនបានប៉ាន់ស្មានថា V និង Jennie បានទៅទីក្រុងញូវយ៉ក ដើម្បីណាត់ជួបគ្នាជាឯកជននៅខាងក្រៅប្រទេសកូរ៉េ ដូច្នេះពួកគេអាចដើរលេងជាមួយគ្នាដោយសេរី។

បន្ទាប់មកនៅថ្ងៃទី ០៦ ខែកញ្ញា ឆ្នាំ ២០២២ V បានបង្ហោះរូបក្នុងបណ្ដាញសង្គម Instagram ជាមួយនឹងរូបថតពីដំណើរកម្សាន្តរបស់គាត់ ហើយអ្នកនិយមលេងអ៊ីនធឺណិតកូរ៉េបានចាប់ផ្តើមស៊ើបអង្កេតនិងប្រៀបធៀបរូបភាពទៅនឹងរូបថតរបស់ Jennie ដែលបានបង្ហោះកាលពីសប្តាហ៍មុន។ អ្នកនិយមលេងអ៊ីនធឺណែតបានរកឃើញថា V ត្រូវបានគេថតរូបនៅកន្លែងតែមួយជាមួយ Jenny’ ធ្វើឲ្យអ្នកនិយមលេងអ៊ីនធឺណិតគិតថាពួកគេនៅជាមួយគ្នា។

អ្នកលេងអ៊ីនធឺណិតកូរ៉េបានបញ្ចេញមតិយ៉ាងដូច្នេះថា៖

-ពួកគេកំពុងធ្វើ Lovestagram ដោយបើកចំហ។

-ខ្ញុំគិតថា ពួកគេទាំងពីរចង់លាតត្រដាងពីទំនាក់ទំនងរបស់ពួកគេ ប៉ុន្តែភ្នាក់ងារនឹងហាមឃាត់ពួកគេ។

-តើពួកគេនៅលើទូកហើយពាក់មួកដូចគ្នាទេ? អ្នកណាថត Jenny និង Rosé?

-មនុស្សដែលបដិសេធថាពួកគេកំពុងណាត់ជួប តើអ្នកនឹងនិយាយអ្វី ប្រសិនបើពួកគេទទួលយកនៅពេលក្រោយ?,

-V ហាក់មិនចង់លាក់ទំនាក់ទំនងរបស់ខ្លួនទេ ហើយចង់ប្រាប់ពិភពលោកថាមិត្តស្រីរបស់ខ្លួនគឺ Jenny ជាដើម។

យ៉ាងណាមិញ ផលិតកម្មទាំងពីរនេះហាក់នៅស្ងប់ស្ងាត់ បើទោះបីជាមានពាក្យចចាមអារ៉ាមក្រៅផ្លូវការ ពីតារាប្រុស-ស្រីដែលស្ថិតនៅក្រោមទ្រនំខ្លួនក្ដី។ ទន្ទឹមនោះ អ្នកគាំទ្រទូទាំងពិភពលោកក៏កំពុងតែរង់ចាំមើលថា តើនេះជាដំណឹងពិតឬយ៉ាងណា ដែលថា ពួកគេស្រលាញ់គ្នាពិតមែន៕

ប្រែសម្រួល៖ សាង ស្រីល័ក្ខ

ចុចអាន៖អ្នកលេងអ៊ីនធឺណិតសង្ស័យខ្លាំង ក្រោយធ្លាយរូបភាព V បង្ហោះដូច Jennie បេះបិទ

ចុចអាន៖Rose សមាជិកក្រុម BLACKPINK នៅតែរក្សាតំណែងកំពូលលើតារាង Billboard