ពិធីករ Jimmy Kimmel របស់ទូរទស្សន៍អាមេរិក ABC រងការរិះគន់យ៉ាងចាស់ដៃចំពោះការប្រើប្រាស់ពាក្យសម្តីមិនសមរម្យទៅអ្នកគាំទ្រ BLACKPINK មុនពេលក្រុមចម្រៀងនារីមួយនេះឡើងសម្តែងបទ “Shut Down” របស់ខ្លួន ។

BLACKPINK បានសម្តែងបទចម្រៀងចុងក្រោយរបស់ពួកគេក្នុងកម្មវិធី ‘Jimmy Kimmel Live’ កាល ពីថ្ងៃអង្គារ ហើយសមាជិកម្នាក់ៗធ្វើការណែនាំខ្លួនទៅកាន់ពិធីករដោយធ្វើឲ្យអ្នកគាំទ្រមួយចំនួន មានការស្រែកហ៊ោកញ្ជៀវ ។

ភ្លាមៗនោះពិធីករលោក Jimmy Kimmel បាននិយាយថា “នេះជាហេតុផលដែលធ្វើឲ្យក្មេងៗទាំងអស់រំភើបចិត្តខ្លាំងពីអាល់ប៊ុម ‘Born Pink’ និងបទ ‘Shut Down’ របស់ BLACKPINK”។

ប៉ុន្តែពាក្យសម្ដីនេះបានធ្វើឲ្យអ្នកគាំទ្រសម្ដែងការខកចិត្ត និងបានបញ្ចេញមតិនៅលើបណ្ដាញសង្គមថា “ខ្ញុំអាយុ ២២ ឆ្នាំហើយ តើខ្ញុំនៅជាក្មេងទៀតមែនទេ ហេតុអ្វីបានជាអ្នកសម្ភាសន៍ តែងតែហៅអ្នកគាំទ្រ K-pop ថា ក្មេង ហើយខ្ញុំគិតថា ខ្ញុំមិនមែនជាមនុស្សតែម្នាក់ទេដែលត្រូវបានគេហៅថា ក្មេងបែបនេះ។

យ៉ាងណាមិញមានអ្នកប្រើប្រាស់អ៊ីនធឺណិតជនជាតិកូរ៉េមួយចំនួនការចាប់អារម្មណ៍ទៅលើប្រព័ន្ធ ផ្សព្វផ្សាយលោកខាងលិចដែលមិនសូវឲ្យតម្លៃ K-Pop ជាពិសេសអ្នកគាំទ្រ ដោយពួកគេបានបញ្ជាក់ ថាមានព្រឹត្តិការណ៍ជាច្រើនដែលកើតឡើងស្រដៀងគ្នានឹងរឿងមួយនេះ ៕

ប្រែសម្រួលដោយ ៖ នាងតូច

ចុចអាន៖BLACKPINK នឹងឡើងសម្ដែងបទថ្មីទើបចេញក្នុងកម្មវិធីទូរទស្សន៍ដ៏ល្បីល្បាញរបស់ អាមេរិក

ចុចអាន៖ធ្លាយឃ្លិប Jennie ឱបក V និងរាំសប្បាយ ក្នុងកម្មពិធីសម្ពោធអាល់ប៊ុម “Born Pink”