Chompoo Araya ត្រឡប់មកដើរម៉ូដវិញ រឹតតែលេចធ្លោលើសមុន

កំពូលតារាលំដាប់ A ប្រទេសថៃ Chompoo Araya បានវិលត្រឡប់មកដើរម៉ូដវិញ ទោះបីខាកខានជាង ៣ឆ្នាំមែនពិត ប៉ុន្តែបង្ហាញខ្លួនម្ដងទៀត នាងនៅតែស៊ីវិល័យ និងទាក់ទាញមហាជនជាខ្លាំង ជាពិសេសអ្នកស្នេហាវិស័យ Fashion។

អ្នកម៉ាក់ហាយសូរ Chompoo Araya នាពេលថ្មីៗនេះបានចូលរួមកម្មវិធី Paris Fashion Week នៅទីក្រុងប៉ារីស ប្រទេសបារាំង ដោយនាងជាម៉ូដែលនៃម៉ាកយីហោល្បីៗជាច្រើន។ កំលុងពេលបង្ហាញមុខនៅឆាកអន្តរជាតិ Chompoo ទទួលបានការសរសើរលាន់តែម្ដង ព្រោះថាសមត្ថភាពដើរម៉ូដរបស់តារាស្រីរូបនេះ ពិតជាមិនធ្វើមហាជនខកបំណងឡើយ។

ស្ថិតក្នុងម៉ូដសម្លៀកបំពាក់អំបោះម៉ាក BALENCIAGA Haute Couture ស្បែកជើងកែងខ្ពស់ វ៉ែនតាខ្មៅ កាបូបដៃ និងគ្រឿងអលង្ការម៉ាក BVLGARI រឹតតែបន្ថែមសម្រស់ដល់ Chompoo ឱ្យកាន់តែឆើតឆាយ និងលេចធ្លោទ្វេដង។ មិនតែប៉ុណ្ណោះ ទស្សនិកចាប់អារម្មណ៍ឃើញថា Chompoo នៅតែក្មេង ត្បិតតែកូនបីហើយក្ដី ប៉ុន្តែសម្រស់ដូចពេលនាងនៅលីវអ៊ីចឹង៕

ប្រែសម្រួល៖ សន្យា

ចុចអាន៖ ផុតពី Naphat ពេលនេះ Baifern ត្រូវមហាជនសង្ស័យសាងស្នេហ៍ជាមួយកីឡាករម្នាក់