ផុតពី Naphat ពេលនេះ Baifern ត្រូវមហាជនសង្ស័យសាងស្នេហ៍ជាមួយកីឡាករម្នាក់

ក្នុងថ្ងៃខួបកំណើតគម្រប់អាយុ ៣០ឆ្នាំ ដែលបានប្រារព្ធឡើងកាលពីម្សិលមិញនេះ តារាស្រី Baifern Pimchanok បានធ្វើឱ្យទស្សនិកជនខ្សិបខ្សៀវពាក្យចចាមអារ៉ាមថា នាងទំនងកំពុងសាងស្នេហាជាមួយកីឡាករវាយសីលោក Popor Sapsiree ព្រោះតែសកម្មភាពផ្អែមល្ហែមេរបស់ពួកគេ ដែលទើបបង្ហោះចេញតាមអ៊ីនធឺណិត។

ថ្វីត្បិតថ្ងៃខួបកំណើតឆ្នាំនេះ Baifern មិនទាន់មានគូស្នេហ៍ Surprise ក៏ដោយ ប៉ុន្តែនាងបានទទួលពាក្យជូនពរពីមិត្តភក្តិ និងសមាជិកគ្រួសារយ៉ាងកក់ក្ដៅ។ យ៉ាងណាមិញ អ្វី​ដែល​គួរ​ឲ្យ​កត់​សម្គាល់​នោះ ឆ្នាំនេះ Baifern ​ត្រូវ​បាន​កីឡាករ​វាយសី​លំដាប់ប្រទេសថៃ លោក Popor Sapsiree មកជូននំខេក និងកាដូផ្ទាល់ ស្របពេលកន្លង​មក Popor ត្រូវ​បាន​គេសង្ស័យ​ថា​មាន​ទំនាក់ទំនង​ស្នេហា​ជាមួយ​ Baifern។

តាមរយៈកម្រងរូបថតជាច្រើនសន្លឹករបស់ Popor Sapsiree បង្ហោះចេញ បង្កឱ្យមានការចាប់អារម្មណ៍យ៉ាងខ្លាំងពីអ្នកនិយមលេងអ៊ីនធឺណិត ខណៈទស្សនិកជនភាគច្រើនចាប់ផ្ដើមខ្សិបខ្សៀវពាក្យចចាមអារ៉ាមថា ពួកគេទាំងពីរកំពុងទាក់ទងជាមួយគ្នា ដោយសារ Popor ធ្លាប់ជូនផ្កាទៅ Baifern ក្នុងកម្មវិធីប្រគល់ពានរង្វាន់ភាពយន្តឆ្នើម ហើយកាលពីដើមឆ្នាំ២០២២ កន្លងទៅ Baifern និងកីឡាករវាយសីរូបនេះ ធ្លាប់ធ្វើដំណើរទៅភូកេតជាមួយគ្នាទៀតផង។ ទោះយ៉ាងណា ពេលនោះ Baifern បដិសេធពាក្យចចាមអារ៉ាមស្នេហាជាមួយ Popor ម្ដងរួចហើយ៕

ប្រែសម្រួល៖ សន្យា

ចុចអាន៖ Baifern ស្រាយមន្ទិល ក្រោយពិធីករម្នាក់ប្រកាសថា នាងកំពុងមានទំនាក់ទំនងស្នេហាលួចលាក់

ចុចអាន៖ អត់ខ្វល់ថាខ្លួនជាតារាល្បី ក្នុងថ្ងៃកំណើត Baifern តែងខ្លួនសាមញ្ញបំផុត

ចុចអាន៖ ម្ដាយ Naphat ចេញមុខមកបញ្ជាក់ទំនាក់ទំនងកូនប្រុសជាមួយ Baifern