គេសង្ស័យជាមួយ Naphat ពេក ពេលនេះ Baifern ចេញមុខបកស្រាយច្បាស់ៗ

ក្រោយរូបថតច្រើនសន្លឹករបស់ Baifern និង Naphat បានបង្ហោះនៅលើអ៊ីនធឺណិត ដែលបង្ហាញពីភាពផ្អែមល្ហែមរវាងពួកគេ នៅឯប្រទេសអ៊ីតាលី មហាជនបានដាក់ការសង្ស័យថា​អ្នកទាំងពីរទំនងជាស្រឡាញ់គ្នាជាគូស្នេហ៍ពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមពេលជាមួយគ្នានោះ ម្ដាយ Naphat​ បានចេញមកលាតត្រដាងជាសាធារណៈម្ដងរួចមកហើយអំពីទំនាក់ទំនងរវាងកូនប្រុស និង Barfern ថាពួកគេពិតជាមិត្តភក្តិនឹងគ្នាមែន ប៉ុន្តែការសង្ស័យ​ និងពាក្យចចាមអារ៉ាមចេះតែបន្តកើតមាន ដរាបណាសាមីខ្លួន មិនចេញមកបកស្រាយនោះទេ។

ដូច្នេះដើម្បីសា្រយមន្ទិលដែលធ្លាប់លេចឮនាពេលកន្លងមក ពេលនេះ Barfern បានចេញមកនិយាយច្បាស់ៗស្រាយការសង្ស័យទាំងប៉ុន្មានរវាងនាង និង Naphat​ ។ ថ្លែងនៅក្នុងបទសម្ភាន៍ជាមួយ​សារព័ត៌មាន thairath នាងបានឱ្យដឹងថា ខ្លួននិង Naphat​ គឺជាមិត្តភក្តិនឹងគ្នាពិតមែន ហើយកន្លងមក ​Naphat​ ក៏មិនធ្លាប់ចែចង់នាងដែរ​។ ដោយឡែកចំពោះរូបថតស្វីតៗដែលទស្សនិកជនបានឃើញ កាលនៅអ៊ីតាលី នាងគ្រាន់តែនាំគ្នាថតរបៀបមិត្តភក្តិប៉ុណ្ណោះ មិនស្មានថាវាត្រូវបានមហាជនយល់ច្រឡំទាល់តែសោះ។

លុះដល់សួររឿងម្ចាស់បេះដូងដែលមិនជា Naphat​ តារាស្រីវ័យ ៣០ឆ្នាំរូបនេះ ប្រាប់ថា បច្ចុប្បន្ននាងនៅទំនេរនៅឡើយ៕

ប្រែសម្រួល៖ សន្យា

ចុចអាន៖ ផុតពី Naphat ពេលនេះ Baifern ត្រូវមហាជនសង្ស័យសាងស្នេហ៍ជាមួយកីឡាករម្នាក់

ចុចអាន៖ មើលសម្រស់ Anne Thongprasom កាល ១៥ឆ្នាំមុន និងបច្ចុប្បន្ន គ្រប់គ្នាសុទ្ធតែលាន់មាត់