ធ្លាយដំណឹងថា Jessi កំពុងរៀបចំបង្កើតផលិតកម្មផ្ទាល់ខ្លួន

យោងតាមរបាយការណ៍របស់ប្រព័ន្ធផ្សព្វផ្សាយបានឲ្យដឹងកាលពីពេលថ្មីៗនេះថា តន្ត្រីករ Jessi កំពុងរៀបចំបង្កើតផលិតកម្មផ្ទាល់ខ្លួន បន្ទាប់ពីដាច់កុងត្រាជាមួយផលិតកម្ម P-Nation របស់តារាចម្រៀង PSY កាលពីកក្កដាឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពេលដាច់កុងត្រា ខាងផលិតកម្ម P-Nation បានប្រកាសលាគ្នាជាមួយ Jessie ដោយម្ចាស់បទ zoom in zoom out រូបនេះ បានចេញសេចក្តីថ្លែងការណ៍ផ្ទាល់ខ្លួន និងបង្ហាញពីការគោរពស្រឡាញ់ចំពោះផលិតកម្ម P-Nation ហើយបង្ហើបថា ចង់សម្រាកមួយរយៈពេលសិន ខណៈពេលនេះនាងកំពុងរៀបចំជំហានបន្ទាប់ ក៏ដូចជាគម្រោងផ្យេងៗទៀតនាពេលអនាគតជាដើម ។

ទន្ទឹមនឹងនោះ Jessi ក៏បានបញ្ចាក់ផងដែរថា នាងមិនបានចុះកុងត្រាជាមួយផលិតកម្ម Antenna Music មិនដូចពាក្យចចាមអារ៉ាមនោះទេ ដែលធ្វើឲ្យអ្នកគាំទ្រសង្ស័យថា នាងកំពុងបង្កើតផលិតកម្មផ្ទាល់ខ្លួន ។

យ៉ាងណាមិញ កាលពីពេលថ្មីៗនេះ Jessi ទើបបញ្ចប់ការប្រគំតន្ត្រីជាលើកដំបូងរបស់នាងនៅក្នុង ប្រទេលហ្វីលីពីន ដោយមានអ្នកគាំទ្រចូលរួមទស្សនាយ៉ាងច្រើនកុះករ ដែលបង្ហាញថា Jessi
កំពុងឆ្ពោះទៅរកជំហានថ្មីនៅលើវិថីសិល្បៈ ៕

ប្រែសម្រួលដោយ ៖ នាងតូច