ភរិយា Beckham លុបស្នាមសាក់តំណាងស្វាមី ចំពេលពាក្យចចាមអារ៉ាមប្ដីប្រពន្ធប្រេះឆា

ភរិយាកំពូលតារាបាល់ទាត់ David Beckham ​បាន​លុប​ស្នាម​សាក់ដែលជាអក្សរតំណាងឈ្មោះស្វាមី នៅលើ ក ដៃ របស់នាង បង្កឱ្យមានពាក្យចចាមអារ៉ាមថា អ្នកទាំងពីរកំពុងប្រេះឆាទំនាក់ទំនងប្ដីប្រពន្ធ។

តារាចម្រៀង Victoria Beckham បានបង្កឱ្យមានពាក្យចចាមអារ៉ាមវាយលុកពេញបណ្ដាញសង្គមអំពីមូលហេតុដែលនាងបានលុបស្នាមសាក់ចេញ ខណៈមហាជនភាគច្រើនបានចាត់ទុកថា នេះអាចមកពីនាង និង David Beckham បានបែកបាក់គ្នា។

ក្រោយពីអ្នកគាំទ្រកត់សម្គាល់ឃើញអក្សរ DB (អក្សរកាត់នៃឈ្មោះ David Beckham) បានបាត់ពីលើ ក ដៃរបស់ Victoria និងចោទប្រកាន់ពីទំនាក់ទំនងមិនប្រក្រតីរវាងនាងនិងស្វាមី នាងបានចេញមុខបដិសេធថា ប្ដីប្រពន្ធអ្នកទាំងពីរពុំមានរឿងអ្វីរកាំរកូសនឹងគ្នាទេ ប៉ុន្តែការលុបមួយនេះ ព្រោះវាមើលទៅមិនសូវស្អាត។

Victoria បានប្រាប់កម្មវិធី Today Show កាលពីថ្ងៃព្រហស្បតិ៍ ទី១៣ ខែតុលា ថា តាមពិតខ្លួនលុបស្នាមសាក់នេះយូរបន្តិចហើយ ចំណែកមូលហេតុមកពីវា​មិន​សូវ​ស្អាតប៉ុណ្ណឹងឯង​ នាង​គ្មានចេតនា​អ្វី​លើស​ពី​ហ្នឹង​ឡើយ។

ចំពោះប្រព័ន្ធផ្សព្វផ្សាយដែលស្មានថា នាងបានចាកចេញពីស្វាមី នោះជារឿងមិនពិតទេ៕

ប្រែសម្រួល៖ សន្យា

ចុចអាន៖ ទម្លាយអាថ៌កំបាំងរក្សាចំណងស្នេហ៍ជាង ២០ឆ្នាំរបស់ Beckham និងភរិយា

ចុចអាន៖ តារាម៉ូដែល Emily បញ្ជាក់យ៉ាងម៉ឺងម៉ាត់ ក្រោយធ្លាយចចាមអារ៉ាមស្នេហាជាមួយ Brad Pitt