ជីវិតកម្សាន្ដ

តារាម៉ូដែល Emily បញ្ជាក់យ៉ាងម៉ឺងម៉ាត់ ក្រោយធ្លាយចចាមអារ៉ាមស្នេហាជាមួយ Brad Pitt

បានផុស

៤ years មុន

នៅ

ថ្ងៃព្រហស្បតិ៍ ១៣ តុលា ២០២២

ដោយ

Emily Ratajkowski បានបញ្ជាក់យ៉ាងម៉ឺងម៉ាត់ ពីស្ថានភាពទំនាក់ទំនងបច្ចុប្បន្នរបស់នាង ចំពេលមានពាក្យចចាមអារ៉ាមស្នេហាដ៏ចម្រូងចម្រាស ជាមួយតារាហូលីវូដ Brad Pitt។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងបទសម្ភាសន៍មួយ តារាម៉ូដែលវ័យ ៣១ ឆ្នាំរូបនេះ បានលើកឡើងអំពីទំនាក់ទំនងរបស់នាងជាមួយ Brad Pitt អតីតស្វាមី Angelina Jolie ថា នាងទើបតែដាក់ពាក្យលែងលះស្វាមី និងប្រកាសថានៅលីវទេ។ នាងអះអាងបន្ថែមថា បានឃើញ Brad ប៉ុន្តែ “មិនបានណាត់ជួបគាត់ ជាផ្លូវការទេ” ។

តារាសម្ដែង Emily បាននិយាយទៀតថា “រឿងមួយដែលខ្ញុំសរសេរនៅក្នុងអត្ថបទចុងក្រោយ នៃសៀវភៅ The My Body គឺសំដៅទៅលើការគ្រប់គ្រងចេះយល់ពីគ្នា ទើបជីវិតមានភាពរីករាយ និងបណ្ដោយតាមយថាកម្មខ្លះទៅ”។ ខ្ញុំទើបតែនៅលីវថ្មីៗលើកដំបូងក្នុងឆាកជីវិតរបស់ខ្ញុំ ហើយខ្ញុំមានអារម្មណ៍ថាសប្បាយចិត្ត និងមានសេរីភាព មិនចាំបាច់ព្រួយបារម្ភពីការយល់ឃើញរបស់អ្នកដទៃដូចមុនទេ”។

ទោះបីជាយ៉ាងនេះក្ដី ថ្មីៗនេះ ប្រភពមួយបានអះអាងថា នាងនិង Brad បានដើរលេងកម្សាន្តជាធម្មតា ខណៈនាងកំពុងតែព្យាយាមចេញទៅក្រៅ ដើម្បីធ្វើខ្លួនឲ្យរវល់ មិនចង់គិតអំពីការលែងលះច្រើនពេក នាងនិង Brad បានជួបគ្នាតាមរយៈមិត្តភក្តិនៅក្នុងឧស្សាហកម្មនេះ។

គួររម្លឹកថា ចាប់តាំងពីដាក់ពាក្យលែងលះជាមួយ Sebastian បន្ទាប់ពីរៀបការបានបួនឆ្នាំនៅថ្ងៃទី៨ ខែកញ្ញា Emily តែងតែចំណាយពេលផ្ដោតសំខាន់លើខ្លួនឯង និង Sylvester ដែលជាកូនប្រុសជាទីស្រលាញ់ របស់នាងតែប៉ុណ្ណោះ៕

ប្រែសម្រួលដោយ៖ វារី

ចុចអាន៖Selena Gomez ប្រកាសលាឈប់ពីសិល្បៈ និងប្រាប់គម្រោងមួយចំនួន ក្រោយរៀបការរួច