KPT+
ទម្លាយអាថ៌កំបាំងរក្សាចំណងស្នេហ៍ជាង ២០ឆ្នាំរបស់ Beckham និងភរិយា
រឿងរ៉ាវស្នេហារបស់អតីតកីឡាករបាល់ទាត់អង់គ្លេសលោក David Beckham និងភរិយា Victoria Adams នៅតែធ្វើឱ្យមហាជនលើកមកសរសើរតាំងពីមិនទាន់រៀបការ រហូតមកដល់បច្ចុប្បន្នពួកគេមានកូន ៤នាក់ទៅហើយ។
David Beckham និង Victoria Adams មិនត្រឹមតែល្បីជាគូស្នេហ៍អ្នកមានហាយសូរ ក្នុងពិភពសិល្បៈប៉ុណ្ណោះទេ ថែមទាំងជាគូស្នេហ៍គំរូធ្វើឱ្យមហាជនជឿលើស្នេហ៍ពិតទៀតផង។ រយៈពេល ២៣ឆ្នាំហើយដែលពួកគេរួមរស់ជាមួយគ្នា ក្ដីស្រឡាញ់របស់អ្នកទាំងពីរមានចំពោះគ្នា នៅតែមិនរសាយ ខណៈ David Beckham តែងតែបង្ហាញពីសុភមង្គលរបស់គ្រួសារ និងរូបថតផ្អែមល្ហែមជាមួយប្រពន្ធជានិច្ចកាល។
នៅក្នុងកម្មវិធី River Cafe Table 4 អតីតកីឡាករ David Beckham បានផ្ដល់បទសម្ភាសន៍ថា ទំនាក់ទំនងប្ដីប្រពន្ធរបស់លោកអាចបន្តបានរាប់ឆ្នាំគឺដោយសារលោកនិងភរិយាព្យាយាមសម្របតាមគ្នា។ កាលលោកទើបស្រឡាញ់គ្នាដំបូង Victoria មិនសូវចេះញ៉ាំម្ហូបអីច្រើននោះទេ នាងញ៉ាំម្ហូបតែមួយមុខប៉ុណ្ណោះ ទាល់តែនាងមានផ្ទៃពោះ ទើបនាងព្រមញ៉ាំអាហារផ្សេងខ្លះ។ ទោះយ៉ាងណា លោកមិនដែលនឿយណាយដែលចម្អិនម្ហូបសម្រាប់នាងឡើយ។ ក្រៅពីនោះលោកតែងតែគាំទ្រជម្រើសរបស់នាង ទោះបីជានាងរើសបន្តិចក៏ដោយ។ ទាំងនេះជាទង្វើរបស់លោកចំពោះភរិយារយៈពេលជាង ២០ឆ្នាំមកនេះ។
ស្នេហារបស់ David Beckham និង Victoria Adams ធ្លាប់បានធ្វើឱ្យសារព័ត៌មានចំណាយប្រាក់យ៉ាងច្រើនដើម្បីតាមដាន នៅចុងសតវត្សទី២០។ សូម្បីតែរៀបការរួចក៏ដោយ គូស្នេហ៍មួយគូនេះបានប្រឈមមុខនឹងការវែកញែក រិះគន់ និងពាក្យចចាមអារ៉ាមជាច្រើន ប៉ុន្តែពួកគេមិនដែលបោះបង់គ្នាឡើយ។ អតីតកីឡាកររូបនេះធ្លាប់និយាយថា “គ្រប់គ្នាមានសិទ្ធិនិយាយពីអ្វីទាំងអស់អំពីយើង ប៉ុន្តែ Victoria និងខ្ញុំនឹងនៅតែឈរក្បែរគ្នាដោយប្តេជ្ញាថានឹងមិនចាកចោលគ្នាដាច់ខាត”។ ជួនកាលគេបានដឹងថា David Beckham ព្រមទុកចោលការប្រកួត ដើម្បីតាមគាំទ្រភរិយាជាទីស្រឡាញ់ ទោះបីរងការរិះគន់ និងប៉ះពាល់ដល់លទ្ធផលប្រកួតក៏ដោយ ក៏លោកសម្រេចចិត្តការពារសុភមង្គលគ្រួសារជានិច្ច។
ចំពោះ Victoria វិញត្រូវបានអ្នកគាំទ្រជាច្រើនលើកសរសើរថានាងជាស្ត្រីឆ្លាត ព្រោះនាងតែងរក្សាភាពស្ងប់ស្ងាត់ ពេលមានលេចធ្លាយព័ត៌មានអាស្រូវស្នេហារបស់ស្វាមី។ នាងបានជម្នះនឹងពាក្យចចាមអារ៉ាមនានា ដើម្បីរក្សាសុភមង្គលគ្រួសារ និងមើលថែគ្រួសារបានយ៉ាងល្អ។
ចែករំលែកជាមួយសាធារណៈជន Victoria ក៏បាននិយាយផងដែរថា គ្រួសាររបស់នាងតែងតែចំណាយពេលជាមួយគ្នា។ ថ្វីត្បិតតែសមាជិកគ្រួសារនីមួយៗមានកាលវិភាគ និងការងាររៀងៗខ្លួនក៏ដោយ ក៏គ្រប់គ្នាឆ្លៀតពេលនៅជាមួយគ្នាដើម្បីផ្តល់ភាពស្និទ្ធស្នាល និងនិយាយគ្នាលេង។ ទាំងអស់នេះជាមូលហេតុដែលគ្រួសាររបស់ Beckham មិនមានជម្លោះ និងចុះសម្រុងគ្នាយ៉ាងល្អ៕
ប្រែសម្រួល៖ សន្យា
ចុចអាន៖ សម្រង់ឃ្លាលើកទឹកចិត្តល្អៗពីកំពូលកីឡាករបាល់ទាត់ David Beckham
ចុចអាន៖ គ្រប់គ្នាចំហមាត់ ការជាង១ខែហើយ ទើបដឹងតម្លៃចិញ្ចៀនភ្ជាប់ពាក្យកូនប្រសា Beckham
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)