ជីវិតកម្សាន្ដ

នាយ ពែកមី អំពាវនាវប្រុងប្រយ័ត្នគ្រុនឈាម ខណៈខ្លួនកំពុងកើតជំងឺនេះ

បានផុស

៤ years មុន

នៅ

ថ្ងៃពុធ ១៩ តុលា ២០២២

ដោយ

តារាកំប្លែង ពែកមី ពេលនេះត្រូវបានអ្នកគាំទ្រដឹងថា នាយកំពុងតែព្យាបាលជំងឺគ្រុនឈាម បន្ទាប់ពីមូសខ្លាខាំ ជាប្រភេទសត្វចម្លងជំងឺដ៏គ្រោះថ្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំឡុងពេលនេះ នាយ ពែកមី ក៏បានអំពាវនាវឲ្យមហាជនប្រុងប្រយ័ត្នខ្ពស់ពីការកើតជំងឺគ្រុនឈាមផងដែរ។

បើតាមការបញ្ជាក់ពី នាយ ពែកមី បានឲ្យដឹងកាលពីម្សិលមិញថា ខ្លួនកើតជំងឺគ្រុនឈាមនេះមានរយៈពេលប្រមាណ ៥ ថ្ងៃហើយ។ នាយ លើកឡើងថា ជំងឺគ្រុនឈាម អាចបណ្ដាលឲ្យយើងស្លាប់បាន។ ដូច្នេះ សូមបងប្អូនប្រុងប្រយ័ត្នជាមួយនឹងជំងឺគ្រុនឈាមទាំងអស់គ្នា វាឆ្លងតាមរយៈមូសខ្លាខាំខ្ញុំ ប្រហែល ៧ ថ្ងៃទៀត ទើបបានធូរ អាការរងាញាក់ខ្លាំង អស់កម្លាំង ឈឺស្រៀវពេញខ្លួន ឈឺក្បាលក្តៅមុខ ក្តៅមាត់ អគុណលោកតា វ៉ិចទ័រ បានមកសួរសុខទុក្ខ។ តាមរយៈនេះក៏មានអ្នកគាំទ្រជាច្រើនបានជូនពរ នាយ ឲ្យឆាប់ជាសះស្បើយពីជំងឺនេះ។

ដោយឡែកក្នុងនោះក៏មានអ្នកខ្លះទៀតឆ្ងល់រឿងលោកផ្សាយឲ្យផលិតផលថ្នាំមូស បែរជាកើតជំងឺនេះទៅវិញ ទើបលោកឆ្លើយតបវិញភ្លាមថា «មានបងប្អូនខ្លះខមមិនឌឺដងថា លក់ឃូស៊ីរាល់ថ្ងៃហេតុអ្វីឈឺគ្រុនឈាម? បងប្អូនខ្លះថា ផ្សាយឲ្យថ្នាំមូស ហេតុអ្វីបានឈឺគ្រុនឈាម?។

នាយបន្ថែមថា បងប្អូន ជំងឺគ្រុនឈាម កើតឡើងពីមូសខ្លាខាំ។ មូសខ្លា មាននៅគ្រប់ទីកន្លែង កន្លែងងងឹត ព្រៃស៊ុបទ្រុប ខ្ញុំដើរថតគ្រប់ទីកន្លែង មិនដឹងថាខាំនៅពេលណា កន្លែងណាទេ ហើយខ្ញុំក៏មិនអាចយកថ្នាំមូសទៅតាមខ្លួនដែរ ព្រោះការងារច្រើន មិនបានទៅគិតដល់ចំណុចនឹងទេ ហើយរឿងលក់ឃូស៊ី វាពាក់ព័ន្ធអ្វីនឹងគ្រុនឈាម គ្រុនឈាមសុខភាពល្អយ៉ាងណាក៏កើតដែរ ជាពិសេសក្មេងៗតែក៏អរគុណដល់បងប្អូនដែលយល់ ហើយជូនពរ ខ្ញុំសូមអរគុណ៕

អត្ថបទ ៖ ចាន់រ៉ា