Tono បង្ហាញចំនួនទឹកប្រាក់បរិច្ចាគដែលទទួលបានពីសប្បុរសជន ក្នុងថ្ងៃបញ្ចប់បេសកកម្ម

បេសកកម្ម “One Man & The River” របស់តារាសម្ដែង Tono Phakin ដែលធ្វើឡើងដើម្បីរៃអង្គាសប្រាក់ជួយមន្ទីរពេទ្យ ត្រូវបានបញ្ចប់កាលពីម្សិលមិញនេះ ខណៈចំនួនទឹកប្រាក់ទទួលបានពីសប្បុរសជននានា កើនឡើងដល់ជិត ៧០លានបាត។ នេះបើតាមសារបង្ហោះនៅលើបណ្ដាញសង្គម Instagram ផ្ទាល់ខ្លួនរបស់​ Tono ។

បេសកកម្មហែលឆ្លងទន្លេមេគង្គចម្ងាយ​ ១៥គីឡូម៉ែត្រ របស់ Tono Phakin បានចាប់ផ្ដើមនៅពីថ្ងៃទី ២២​-២៤ ខែតុលា ឆ្នាំ២០២២ ដែលវាត្រូវបានធ្វើឡើងដើម្បីប្រមូលថវិកាជួយទិញបរិក្ខាពេទ្យថៃ-ឡាវ ហើយក្នុងរយៈពេល ៣ថ្ងៃនេះ Tono ទទួលបានប្រាក់បរិច្ចាគចំនួន ៦៨,១៤៣,១៣៦បាត (ប្រហែល ១,៧៧៩,០០០ដុល្លារអាមេរិក)។

ពេលនេះទោះបីជាបេសកកម្មបានបញ្ចប់ទៅហើយក្ដី ប៉ុន្តែ Tono នៅតែអំពាវនាវដល់សាធារណជនចូលរួមបរិច្ចាគបន្ថែមទៀតដើម្បីយកប្រាក់ទៅជួយទ្រទ្រង់មន្ទីរពេទ្យឱ្យកាន់តែមានដំណើរការល្អ៕

ប្រែសម្រួល៖ សន្យា

ចុចអាន៖ មិនទាន់ឡើងប្រកួតវគ្គផ្ដាច់ព្រ័ត្រផង បវរកញ្ញា Engfa ឈ្នះពានរង្វាន់មួយបាត់

ចុចអាន៖ ខ្សែកពេជ្រ ដែល Chompoo ពាក់ចូលរួមពិធីជប់លៀងម្សិលមិញ តម្លៃកប់ក្ដោង