ជីវិតកម្សាន្ដ

វណ្ណដា ត្រៀមអង្រួនឆាកតន្ត្រីនៅ ថៃ ក្នុងកម្មវិធី BMMF

បានផុស

៤ years មុន

នៅ

ថ្ងៃពុធ ២ វិច្ឆិកា ២០២២

ដោយ

បើយោងតាមប្រភពពីគណនីហ្វេសបុក Big Mountain Music Festival បានបញ្ជាក់ថាតារារ៉េប វណ្ណដា នឹងបង្ហាញវត្តមាននៅប្រទេសថៃ នាថ្ងៃទី ១០ ដល់១១ ខែធ្នូ ក្នុងការប្រគំតន្ត្រី BMMF។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ប្រភពដដែលនោះក៏បានសរសេរសំណេរដ៏វែងអន្លាយថា “ពិតជាសប្បាយមែន! វ៉ាន់ដា តារារ៉េបវ័យក្មេង ដែលកំពុងពេញនិយមនៅកម្ពុជា និងជាម្ចាស់បទ ‘Time To Rise’ ដែលមានអ្នកចូលមើលជាង ១០១លានដង នឹងមកកម្មវិធី BMMF12 នាថ្ងៃទី ១០-១១ ខែធ្នូនេះ ខាងមុខនេះ!” លើសពីនេះ ហ្វេនកម្ពុជាក៏បានចូលទៅបញ្ចេញមតិគាំទ្រ និងមានមោទកភាពលើតារារ៉េប វណ្ណដាយ៉ាងខ្លាំងដូចគ្នា។

យ៉ាងណាមិញ ក្រោយការប្រកាសមិនបានប៉ុន្មានផងអ្នកគាំទ្រជាអន្តរជាតិបានចូលមកបញ្ចេញមតិយ៉ាងព្រោងព្រាត និងថែមទាំងសប្បាយចិត្តយ៉ាងក្រៃលែង ក្រោយឮដំណឹងថា តារាសំណព្វចិត្តវណ្ណដានឹងមកការប្រគំតន្ត្រី Big Mountain Music Festival លើកនេះ។

សូមបញ្ជាក់ដែរថា វណ្ណដាជាតារារ៉េបប្រចាំប្រទេសកម្ពុជា ដែលតែងតែរំលេចឧបករណ៍ភ្លេងខ្មែរតាមរយៈបទចម្រៀងរបស់លោក។ ជាក់ស្ដែង វីដេអូចម្រៀងផលិតថ្មី បទ “Time to Rise!” រួមដោយបញ្ចូល ឧបករណ៍តន្ត្រីបុរាណ ចាប៉ី ព្រមទាំងសំនៀង របស់ព្រឹទ្ធាចារ្យ គង់ ណៃ ក៏ធ្លាប់បានបំបែកឯតទគ្គកម្មដំបូងរបស់កម្ពុជា ដែលមានអ្នកចូលទស្សនាត្រឹមរយៈពេល ២៤ ម៉ោង ដល់ទៅ ១ លានដង។ មិនត្រឹមតែប៉ុណ្ណោះ MV បទចម្រៀងនេះ ក៏បានជាប់ចំណាត់ថ្នាក់លេខ ១ “Best Videos of 2021” ដែលជ្រើសរើសដោយ LiFTED Asia ផងដែរ៕

អត្ថបទ៖ សាង ស្រីល័ក្ខ

ចុចអាន៖វណ្ណដា ឧបត្ថម្ភ៩៩៩ដុល្លារក្នុងយុទ្ធនាការ១០០លានរៀលដើម្បីតបស្នងព្រឹទ្ធាចារ្យ គង់ ណៃ