បង្ហាញមុខមិត្តស្និទ្ធស្នាល របស់ Jennie មកទស្សនាការប្រគំតន្ត្រី Born Pink នៅទីក្រុង Los Angeles

តារាសម្ដែង Jung Ho Yeon តួស្រីក្នុងរឿង “Squid Game” នឹងតារាហូលីវូដ Lily-Rose Depp ដែលជាមិត្តភ័ក្ដិស្និទ្ធស្នាលរបស់ Jennie សមាជិក ​BLACKPINK បានទៅទស្សនា​ការ​ប្រគំ​តន្ត្រី Born Pink នៅទីក្រុង Los Angeles រួមគ្នា។

កាលពីថ្ងៃទី ២០ ខែវិច្ឆិកា តារាសម្តែង Jung Ho Yeon បានចែករំលែករូបថតនៅលើ Instagram របស់នាងជាមួយ នឹងចំណងជើងថា “យើងត្រៀមខ្លួនរួចរាល់ហើយ #bornpink” ។ រូបថតនេះត្រូវបានថត​នៅក្នុងការប្រគំតន្ត្រីទេស ចរណ៍ជុំវិញពិភពលោករបស់ BLACKPINK នៅទីក្រុង Los Angeles ដែល បានប្រារព្ធក្នុងសហរដ្ឋអាមេរិក។

នៅក្នុងរូបថត គេឃើញ Jung Ho Yeon កំពុងញ៉ាំអាហារសម្រន់ជាមួយមិត្តភ័ក្តិមុនពេលទស្សនាការសម្តែង។ Lily-Rose Depp កូនស្រីរបស់តារាសម្តែងហូលីវូដ Johnny Depp ក៏បានបង្ហាញខ្លួន និងទាក់ទាញការចាប់អារម្មណ៍ផងដែរ។

ម្យ៉ាងវិញទៀត Jung Ho Yeon ត្រូវបានគេស្គាល់ថាជាមិត្តភ័ក្ដិស្និតស្នាលបំផុតរបស់ Jennie សមាជិកក្រុម BLACKPINK ។​ ចំណែកតារាសម្តែងហូលីវូដ Johnny Depp ក៏ជាមិត្តមិត្តភ័ក្ដិស្និតស្នាលរបស់ Jennie ក្រោយពីអ្នកទាំងពីរបានធ្វើជាមួយគ្នាយ៉ាងច្រើនកន្លងមក។

ជាមួយគ្នានេះដែរ នៅថ្ងៃដដែលនេះ BLACKPINK បានបិទបញ្ចប់ការប្រគំតន្ត្រីនៅ អាមេរិកខាង ជើងចំនួន ១៤ នៅទីក្រុងចំនួន ៧ ដោយជោគជ័យ បន្ទាប់​មក​ពួក​គេ​នឹង​បន្ត​ការ​សម្តែង​នៅ​អឺរ៉ុប អាស៊ី នឹងអូស្ត្រាលី​៕

ប្រែសម្រួល៖នាងតូច

ចុចអាន៖SNSD ត្រូវជ្រើសរើសជាក្រុមចម្រៀងលេខ ១ សម្រាប់ការវិលមកវិញក្នុងឆ្នាំ ២០២២