ហ្វេនច្រណែន ក្រោយ Song Hye Kyo ឈានចូលអាយុ ៤១ ឆ្នាំហើយ នៅតែក្មេង

រូបរាងវ័យក្មេងរបស់តារាសម្ដែងកូរ៉េខាងត្បូង Song Hye Kyo នៅពេលនាងមានអាយុ ៤១ឆ្នាំ ធ្វើឲ្យ​មនុស្សជាច្រើនច្រណែននឹងសម្រស់មិនចេះចាស់ ខណៈនាងបានបង្ហោះរូបអបអរថ្ងៃកំណើត។

ថ្មីៗ​នេះ នៅលើ​ទំព័រ​គណនី​ផ្ទាល់​ខ្លួន​របស់តារា​ស្រី Song Hye Kyo បាន​បង្ហោះ​រូប​ភាពជា​បន្តបន្ទាប់​ ដើម្បី​ស្វាគមន៍​ឆ្នាំ​ថ្មី​ ជាមួយ​សត្វ​ចិញ្ចឹម​ ធ្វើ​ឲ្យមហាជន​នៅ​លើបណ្ដាញ​សង្គម​កោតសរសើរ​ និង​ច្រណែនសម្រស់តារាសម្ដែង​កូរ៉េនេះជាខ្លាំង។

ជាមួយគ្នានេះដែរ Song Hye Kyo បាន​សំដែង​ការ​ដឹងគុណ​ដល់​ហ្វេនៗ​ ដែល​បាន​ជូនពរ​ថ្ងៃ​កំណើត​ នាងថា “អរគុណ​សម្រាប់​ការ​ជូនពរ​ថ្ងៃ​កំណើត​ទាំង​អស់! ផ្កានិងអំណោយទាំងអស់​ដែល​អ្នក​ផ្ញើមកខ្ញុំ​គឺស្រស់​ស្អាត។ ខ្ញុំចំណាយពេលរាល់ថ្ងៃប្រកបដោយសុខភាពល្អ និងសប្បាយ​រីករាយ​ជាមួយ​នឹង​ក្តីស្រលាញ់ និងការជឿទុកចិត្តពីអ្នកគាំទ្រដ៏គួរឲ្យ​ស្រឡាញ់​របស់ខ្ញុំ។ សង្ឃឹម​ថា ​អ្នក​តែងតែ​មាន​សុខភាពល្អ​និងរីករាយ”!

ប្រែសម្រួល៖ សាង ស្រីល័ក្ខ

ចុចអាន៖រថយន្តស៊េរីទំនើបរបស់ Jungkook ដាក់ដេញថ្លៃក្នុងតម្លៃកប់ក្ដោង

ចុចអាន៖ខ្សែភាពយន្តរបស់តារាសម្តែង Park Eun Bin ឈ្នះពានរង្វាន់ International Emmy Award 2022