លេច​ធ្លាយ Jimin សមាជិក​ក្រុម BTS នឹងសហការក្នុងអាល់ប៊ុមទោលថ្មីរបស់ Taeyang

យោងតាមទៅតាមសារព័ត៌មានកូរ៉េជាច្រើនបានចុះផ្សាយនៅថ្ងៃទី៩ ខែធ្នូនេះថា Jimin សមាជិកក្រុម BTS នឹងចូលរួមសហការសម្រាប់អាល់ប៊ុមទោលរបស់ Taeyang សមាជិកក្រុម Big Bang ដែលគ្រោងនឹងចេញនៅខែមករាឆ្នាំក្រោយ ។

អាល់ប៊ុមទោលរបស់ Taeyang គឺជាអាល់ប៊ុមចុងក្រោយបង្អស់ក្នុងរយៈពេលប្រហែល ៥ ឆ្នាំ បន្ទាប់ពីអាល់ប៊ុមពេញទី ៣ របស់លោកឈ្មោះថា ‘WHITE NIGHT’ បានចេញក្នុងខែសីហា ឆ្នាំ២០១៧ ។ ជាមួយនឹងព័ត៌មាននៃការចូលរួមរបស់ Jimin ធ្វើឲ្យអាល់ប៊ុមថ្មីនេះទទួលបានការចាប់អារម្មណ៍ខ្លាំងផងដែរ ។

ក្រៅតែពី Taeyang និង Jimin ដែលគេរំពឹងទុកថានឹងសហការជាមួយគ្នានោះ ក្នុងនោះសមាជិក BTS ក៏ធ្លាប់បានសហការគ្នាជាមួយសិល្បករជាច្រើនផ្សេងទៀតផងដែរ ដោយសមាជិក Suga បានសហការជាមួយតារាចម្រៀង Psy និងសមាជិក J-Hope បានសហការជាមួយតារាចម្រៀង Crush ជាដើម ។

ទោះយ៉ាងណាខាងផលិតកម្ម YG បានត្រឹមតែបញ្ជាក់ថា “យើងកំពុងពិនិត្យមើលថាតើវាពិត ឬអត់” ខណៈខាងផលិតកម្ម Big Hit Music ក៏នៅ​មិន​ទាន់​ធ្វើ​អត្ថាធិប្បាយ​ចំពោះការលេចធ្លាយជុំវិញ​ការ​សហការ​គ្នា​នេះផងដែរ ៕

ប្រែសម្រួល ៖ នាងតូច

ចុចអាន៖BTS ឈ្នះពានរង្វាន់ចំនួនបី ពីកម្មវិធី People’s Choice Awards 2022

ចុចអាន៖YG Entertainment ចាប់ផ្ដើមស្វែងរកអ្នកហាត់ការថ្មីនឹងរៀបចំ ‘2023 YG National Audition Tour’