ទស្សនារូបភាពស្អាតៗនៅក្នុងពិធីមង្គលការ Jiyeon សមាជិកក្រុម T-ara

តារាចម្រៀង Jiyeon សមាជិកក្រុមនារីកូរ៉េ T-ara បានចូលរោងការហើយ ជាមួយអ្នកកីឡាករវាយកូនគោលកូរ៉េខាងត្បូងលោក Hwang Jae-gyun កាលពីថ្ងៃទី១០ ខែធ្នូ ដែលពិធីសិរីមង្គលនេះត្រូវបានរៀបចំឡើងនៅសណ្ឋាគារ Shilla ដ៏បំផុតនៅក្នុងទីក្រុងសេអ៊ូល។

ក្នុងនោះដែរ មិត្តភក្តិល្បីៗរបស់កូនក្រមុំរួមមាន តារាចម្រៀង IU តារាចម្រៀង Min-ho សមាជិកក្រុម SHINee តារាចម្រៀង Dong-hae សមាជិកក្រុម Super Junior និងតារាចម្រៀង Jin សមាជិកក្រុម BTS ត្រូវបានប្រទះឃើញនៅក្នុងពិធីមង្គលការនេះ។

ជាមួយគ្នានោះ IU ដែលមិត្តសម្លាញ់ជិតស្និទ្ធរបស់កូនក្រមុំ ​បាន​ច្រៀង​ចម្រៀងបទ Blueming ជូនគូស្វាមីភរិយាថ្មោងថ្មី ធ្វើឱ្យ​កូនក្រមុំ​រំភើបដល់ស្រក់ទឹកភ្នែក។

គួររំលឹកថា Jiyeon បានលាតត្រដាងពីទំនាក់ទំនងស្នេហារបស់នាងជាមួយកីឡាករវ័យ ៣៥ ឆ្នាំ កាលពីខែកុម្ភៈ ឆ្នាំ២០២២នេះឯង ជាមួយនឹងសំបុត្រសរសេរដោយដៃមួយសន្លឹក។ ដោយភ្ជាប់ជាមួយរូបថតដែលថតជាមួយ Hwang នាងបានសរសេរថា “ខ្ញុំបានសម្រេចចិត្តរៀបការជាមួយមិត្តយល់ចិត្តម្នាក់ដែលកាន់ដៃខ្ញុំយ៉ាងរឹងមាំ និងជួយខ្ញុំនៅពេលដែលខ្ញុំជួបការលំបាក”។

សូមទស្សនាវីដេអូ និងរូបភាពខាងក្រោម!

ប្រែសម្រួល៖ សន្យា

ចុចអាន៖ គ្រូទាយល្បីឈ្មោះម្នាក់ ទស្សន៍ទាយថា Pinky អស់គ្រោះ ទាល់តែផុតថ្ងៃទី១៥ ខែមករា ឆ្នាំក្រោយ