អ្នកចាត់ការផ្ទាល់ខ្លួន​ Baifern ចេញមុខបកស្រាយជុំវិញដីការកោះហៅរបស់ប៉ូលិស

ដោយសារ​តែ​ថ្មីៗនេះ ផ្ទុះរឿងចម្រូងចម្រាសទាក់ទងនឹងការកោះហៅពីមន្ត្រីប៉ូលិសទៅលើតារាសម្ដែង Baifern Pimchanok ពេលនេះអ្នកចាត់ការផ្ទាល់ខ្លួនរបស់តារាស្រីរូបនេះ បានចេញមុខបកស្រាយមន្ទិលរបស់មហាជនគ្រប់គ្នា។

ករណីពាក្យចចាមអារ៉ាមដែលថា ​មន្ត្រី​ប៉ូលិស​ដាក់ការសង្ស័យលើ Baifern ថា​បានចូលទៅថតរូបផ្សាយពាណិជ្ជកម្ម​នៅ​តំបន់​ហាមឃាត់ Sapan-Bo Kluea ក្នុងខេត្ត Nan និងសុំឱ្យនាងចូលបំភ្លឺនៅប៉ុស្ត៍រដ្ឋបាលខេត្ត ពេលនេះអ្នកចាត់ការរបស់នាង បានឆ្លើយតបច្បាស់ៗថា វាជារឿងមិនពិត។

អ្នកគ្រប់គ្រងផ្ទាល់ខ្លួនរបស់ Baifern បានបំភ្លឺថា នាងនិងក្រុមរបស់នាងគ្រាន់តែទៅធ្វើដំណើរកម្សាន្តធម្មតា ដើម្បីបំបាត់ស្ត្រេសប៉ុណ្ណោះ មិនមានការថតស្ពតអ្វីទេ។ ហើយកន្លែងដែល Baifern ថតបង្ហោះនៅលើបណ្ដាញសង្គម ជាកន្លែងក្រុមមិត្តភក្តិរបស់នាងបានស្វែងរកនៅលើអ៊ីនធឺណិត។

ដោយឡែកចំពោះព័ត៌មានលើរឿងកោះហៅ Baifern ចូលប៉ុស្តិ៍ប៉ូលិស មិនដឹងថាលេចឮមកពីណាឡើយ ខណៈពេលនេះ​មិន​ទាន់​មាន​មន្ត្រី​ណា​ទាក់​ទង​មកនាង​នៅ​ឡើយ​ទេ៕

ប្រែសម្រួល៖ សន្យា

ចុចអាន៖ ប៉ូលិសកំពុងត្រៀមដីកាកោះហៅតារាសម្ដែង Baifern Pimchanok

ចុចអាន៖ ទស្សនារូបភាពស្អាតៗនៅក្នុងពិធីមង្គលការ Jiyeon សមាជិកក្រុម T-ara