ជីវិតកម្សាន្ដ

BLACKPINK ធ្វើឲ្យអ្នកគាំទ្រភ្ញាក់ផ្អើលនឹងសំលៀកបំពាក់ដ៏ប្រណិត ក្នុងការប្រគំតន្ត្រីនៅ បារាំង

បានផុស

៤ years មុន

នៅ

ថ្ងៃសុក្រ ១៦ ធ្នូ ២០២២

ដោយ

នៅលើឆាកនៃការប្រគុំតន្ត្រីនៅទីក្រុងប៉ារីសនៅថ្ងៃទី ១១ និងទី ១២ សមាជិកក្រុម BLACKPINK បានទាក់ទាញការចាប់អារម្មណ៍យ៉ាងខ្លាំងពីអ្នកគាំទ្រ ក៏ដូចជាអ្នកនិយមលេងអ៊ីនធឺណិត ខណៈពួកគេបានស្លៀកសំលៀកបំពាក់មកពីម៉ាកល្បីៗរបស់បារាំងឡើងសម្តែងក្នុងនាមជាទូតសុឆន្ទៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ Jennie ស្លៀកសំលៀកបំពាក់របស់ម៉ាកយីហោ Chanel ដើម្បីសម្តែងបទចម្រៀងទោលដែលមិនទាន់ចេញផ្សាយមានចំណងជើងថា “You & Me” ដែលការសម្តែងរបស់នាងនៅក្នុងឈុត នេះធ្វើឲ្យអ្នកគាំទ្រប្រៀបធៀបនាងដូចនិងតុកាតា Tinker Bell ។

ចំណែក Jisoo ដែលជាសមាជិក តែម្នាក់គត់ដែលមិនទាន់បានចេញបទចម្រៀងទោល បានសម្តែង លើឆាកជាមួយបទចម្រៀង cover ហើយចាប់អារម្មណ៍ជាមួយនឹងរ៉ូបសាច់ក្រណាត់ម៉ាក Dior។

ទន្ទឹមនឹងនេះ Rosé និង Lisa ក៏បានបង្ហាញភាពទាក់ទាញមិនធម្មតារបស់ពួកគេនៅលើឆាក ដោយស្លៀកសំលៀកបំពាក់ ដែលបង្ហាញឱ្យពួកគេដោយ Yves Saint Laurent និង Celine ក្នុងការប្រគុំ តន្ត្រីរយៈពេលពីរថ្ងៃ។

ក្នុងអំឡុងពេលនៃការប្រគុំតន្ត្រីរយៈពេល ២ ថ្ងៃនៅទីក្រុងប៉ារីស មាននាយកប្រតិបត្តិ និងអ្នកតំណាងឲ្យម៉ាកល្បីនានាក៏បានមកគាំទ្រក្រុម BLACKPINK ជាមួយគ្នានេះក៏មានអ្នកតំណាង និងនិពន្ធនាយកទស្សនាវដ្តីម៉ូដជាច្រើន ក៏មានវត្តមានដើម្បីទស្សនាការប្រគុំតន្ត្រី ជាពិសេសនៅក្នុងការសម្តែងនៅថ្ងៃទីពីរ ទស្សនិកជនចាប់បានភរិយាប្រធានាធិបតីបារាំងលោកស្រី Brigitte Macron មកចូលរួមផងដែរ៕

ប្រែសម្រួល៖នាងតូច

ចុចអាន៖NewJeans ឈ្នះរង្វាន់ធំក្នុងកម្មវិធី Asia Artist Awards បន្ទាប់ពីបង្ហាញខ្លួនត្រឹមរយៈពេល ៤ ខែ