James Cameron ចេញមកបញ្ជាក់ច្បាស់ពីការស្លាប់តួអង្គ Jack ក្នុងរឿង Titanic

លោក James Cameron អ្នកដឹកនាំរឿងកប៉ាល់ Titanic ចេញមុខបញ្ជាក់ថា ការស្លាប់ដ៏សោកសៅរបស់តួអង្គ Jack ដែលសម្ដែងដោយលោក Leonardo DiCaprio នៅក្នុងសមុទ្រធំល្វឹងល្វើយដ៏សែនត្រជាក់បែបនេះ គឺលោកជាអ្នកតម្រូវឲ្យស្លាប់តែម្តង ។

ជាមួយការរតម្រូវឲ្យស្លាប់នៃតួអង្គ Jack ចោលកញ្ញា Rose បែបនេះ គឺដើម្បីធ្វើឲ្យសាច់រឿង កាន់តែមានអត្ថន័យ ជ្រាវជ្រៅ ក៏ដូចជាដិតដាមក្នុងអារម្មណ៍ប្រិយមិត្តអ្នកទស្សនា ។ លោកសង្ឃឹមថា ការបញ្ជាក់មូលហេតុនេះ នឹងធ្វើឲ្យប្រិយមិត្តដែលតែងតែជជែកដេញដោលអស់ជាច្រើនឆ្នាំមកនេះ បិទបញ្ចប់ទាំងស្រុងពីមន្ទិលសង្ស័យនៃការស្លាប់ ចាប់តាំងពីឆ្នាំ ១៩៩៧ មក ។

គួរបញ្ជាក់ថា ចុងបញ្ចប់នៃរឿង Jack&Rose បានបន្សល់ការចងចាំដ៏សោកសៅដល់កញ្ញា Rose ក៏ដូចជាប្រិយមិត្តដែលបានទស្សនាចំពោះការស្លាប់របស់ ​Jack ដែលគេស៊ូលះបង់កាយា ស្លាប់ធ្លាក់ចូលក្នុងផ្ទៃជលសារដ៏ធំល្វឹងល្វើយ ដើម្បីឱ្យមនុស្សស្រីខ្លួនស្រលាញ់បណ្តែតខ្លួននៅលើបន្ទះក្តារ ក្នុងការបន្តជីវិតរស់នៅ ៕

ប្រែសម្រួលដោយ ៖ រតនៈ

ប្រភព ៖ RT