ជីវិតកម្សាន្ដ

Mai Davika ទម្លាយការពិតថា ចង់ក្លាយជាបវរកញ្ញាតាំងពីមុនចូលសិល្បៈ

បានផុស

៤ years មុន

នៅ

ថ្ងៃព្រហស្បតិ៍ ២៩ ធ្នូ ២០២២

ដោយ

តារាស្រីរាងស្វែល Mai Davika បានសារភាពថា នាងមានមហិច្ឆតាខ្ពស់ចង់ក្លាយជារាជិនីសម្រស់ បន្ទាប់ពីនាងទើបតែបង្ហោះរូបប៉ុន្មានសន្លឹក ដែលតុបតែងខ្លួនជាបវរកញ្ញាយ៉ាងស្រស់ស្អាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយពីបង្ហោះរូបលើបណ្ដាញសង្គមអ៉ិនស្តាក្រាម មហាជនជាច្រើនបានបញ្ចេញមតិសរសើរសម្រស់នាងថា ពិតជាប្លែកស្អាត និងសក្ដិសមជារាជិនីសម្រស់ណាស់ ប៉ុន្តែនៅតែមានមតិខ្លះបានលើកឡើងថា ចុះហេតុអ្វីបានជា Mai មិនសម្រេចចិត្តចូលប្រលង? ព្រោះនាងស្អាតល្អឥតខ្ចោះ បែបនេះហើយ!

ដោយឡែកកាលពីពេលថ្មីៗនេះ ដើម្បីស្រាយចម្ងល់ទស្សនិកជន Mai Davika នេះបានចេញឃ្លិបមួយឆ្លើយយ៉ាងច្បាស់ថា “មនុស្សជាច្រើននៅតែមិនដឹងថា Davika ជានរណា! ខ្ញុំចូលក្នុងឧស្សាហកម្មនេះជាលើកដំបូង ខ្ញុំចង់ក្លាយជាភាពស្រស់ស្អាត ខ្ញុំមិនមែនជាតារាសម្ដែងទេ។ កាលណោះនៅប៉ុស្តិ៍លេខ៧ ខ្ញុំអង្គុយទល់មុខបងដែង ហើយគាត់សួរខ្ញុំសួរថា ចង់ធ្វើអី មិនថាចង់ប្រឡងសម្រស់ ឬចង់សម្ដែងក្នុងរឿងភាគ? បន្ទាប់ ខ្ញុំក៏ឆ្លើយទៅវិញថា ចង់ក្លាយជាមហាក្សត្រី បងដែងបានប្រាប់ឲ្យខ្ញុំងើបឈរឡើង ហើយគាត់មើលពីក្បាលដល់ចុងជើង ហើយលទ្ធផលគឺខ្ញុំមិនអាចប្រលងសម្រស់បានទេ។ ចំពោះមូលហេតុពិតប្រាកដគឺដោយសារតែជើងរបស់ខ្ញុំកោង មិនគ្រប់លក្ខខណ្ឌដែលគេចង់បានជាតារាម៉ូដែល។ ក្រោយមកបងដែងបានប្រាប់ឲ្យទៅសម្ដែងរឿងវិញ។ សរុបមក ខ្ញុំមិនអាចទៅប្រកួតសម្រស់បាន ដោយសារតែជើងរបស់ខ្ញុំកោង”។

នៅចុងបញ្ចប់នៃឃ្លិប Mai ក៏បានសារភាពថា ខ្លួនមានអារម្មណ៍ថាខ្លួនពិតជាមិនអាចប្រកួតប្រជែងបាន។ ព្រោះសម្រស់មនុស្សស្រីសម័យនេះ មិនត្រឹមតែស្អាតនោះទេ ប៉ុន្តែត្រូវមានចំណេះដឹងខ្លាំងផងដែរ៕