ជីវិតកម្សាន្ដ
ខ្សែរាជវង្ស ៣អង្គ គ្មានព្រះនាមក្នុងបញ្ជីស្នងរាជ្យ កំពុងសាងកេរ្តិ៍ឈ្មោះល្បីល្បាញលើបណ្ដាញសង្គម
ថ្វីត្បិតមានវាសនាប្រសូតក្នុងរាជវង្សានុវង្ស ជាត្រកូលដ៏ខ្ពង់ខ្ពស់ ប៉ុន្តែមិនមែនបុត្រាបុត្រីគ្រប់អង្គ សុទ្ធតែអាចធ្វើអ្វីតាមបំណងព្រះទ័យនោះទេ។ បុត្រាបុត្រីអង្គខ្លះ ត្រូវបង្ខំព្រះទ័យធ្វើអ្វីដែលមិនមែនជាចំណង់ចំណូលចិត្តរបស់ទ្រង់ ដើម្បីមុខមាត់រាជវង្ស។ យ៉ាងណាក្ដី ក្នុងសម័យទំនើបនេះ សមាជិករាជវង្សានុវង្សមួយចំនួន អាចមានសិទ្ធិជ្រើសរើសធ្វើអ្វីដែលទ្រង់សព្វព្រះទ័យ ដូចមហាជនទូទៅ ដោយមិនចាំបាច់ប្រកាន់ខ្ជាប់នូវក្បួនច្បាប់ច្រើនឡើយ ជាពិសេសបុត្រាបុត្រីដែលគ្មានព្រះនាមក្នុងបញ្ជីអ្នកស្នងរាជ្យ។ តួយ៉ាងដូចជា៖
ព្រះនាង Leah Isadora Behn -បុត្រីព្រះនាងម្ចាស់ន័រវេស
ព្រះនាង Leah Isadora Behn ជាបុត្រីទីពីរ របស់ម្ចាស់ព្រះនាងម្ចាស់ Martha Louise នៃប្រទេសន័រវេស។ ទ្រង់មានភាពល្បីល្បាញនៅលើបណ្តាញសង្គមដោយសារវីដេអូតុបតែងខ្លួន ដែលទទួលបានការចូលមើលរាប់លានដង។ ដោយសារតែព្រះនាងមិនស្ថិតនៅក្រោមបញ្ជីនៃអ្នកទទួលមរតក ទ្រង់អាចបន្តចំណង់ចំណូលចិត្តដោយសេរី។ ទើបតែព្រះជន្ម ១៧វស្សាប៉ុណ្ណោះ ប៉ុន្តែព្រះនាងន័រវេសអង្គនេះបានសាងអាជីពដ៏រឹងមាំមួយក្នុងវិស័យ Make up ហើយព្រះនាងក៏ជាសរសេរប្លុកសម្រស់ដ៏មានឥទ្ធិពលមួយរូបនៅអឺរ៉ុបខាងជើងផងដែរ។
ព្រះអង្គម្ចាស់ Pablo Urdangarin -ប្រទេសអេស្ប៉ាញ
ព្រះអង្គម្ចាស់ Pablo Urdangarin មិនបានជ្រើសរើសបង្កើតកេរ្តិ៍ឈ្មោះនៅលើបណ្តាញសង្គមនោះទេ ទ្រង់មានចំណង់ចំណូលចិត្តចំពោះកីឡា។ ដូច្នេះព្រះអង្គបានក្លាយជាអ្នកលេងបាល់បោះតាំងពីកុមារមកម្ល៉េះ។ ទោះបីទ្រង់មិនចង់បានកេរ្តិ៍ឈ្មោះ ប៉ុន្តែដោយសារទ្រង់ជាសមាជិករាជវង្ស និងមានរូបរាងស្រស់សង្ហា ប្រជាប្រិយភាពរបស់ព្រះអង្គម្ចាស់ ២២វស្សាអង្គនេះ ទទួលបានភាពល្បីល្បាញដោយឯកឯង។ សូម្បីឃ្លីបសាមញ្ញៗរបស់ទ្រង់ ក៏ទទួលបានអ្នកទស្សនារាប់លានដងឯណោះ ដែលនេះបង្ហាញពីឥទ្ធិពលដ៏អស្ចារ្យរបស់ព្រះអង្គម្ចាស់អេស្ប៉ាញអង្គនេះ។
ព្រះអង្គម្ចាស់ Achilles ប្រទេសក្រិក និងដាណឺម៉ាក
ប្រហែលជាប្រិយមិត្តជាច្រើនកំពុងឆ្ងល់ថា ហេតុអ្វីបានជាព្រះអង្គម្ចាស់ Achilles ជាព្រះអង្គម្ចាស់នៃប្រទេសក្រិកផង និងដាណឺម៉ាកផងបែបនេះទៅវិញ? មូលហេតុដោយសារទ្រង់ជាព្រះរាជបុត្ររបស់រាជទាយាទ Pavlos នៃប្រទេសដាណឺម៉ាក និងព្រះនាង Marie Chantal នៃប្រទេសក្រិក។
បច្ចុប្បន្នព្រះអង្គម្ចាស់ Achilles មានប្រជាប្រិយភាពខ្លាំងក្លានៅលើបណ្ដាញ Tik Tok ដោយសារទ្រង់មានទេពកោសល្យខ្ពស់ក្នុងវិស័យសិល្បៈ ហើយទ្រង់ក៏មានរូបរាងស្រស់សង្ហាផងដែរ៕
ប្រែសម្រួល៖ សន្យា
ចុចអាន៖ ព្រះជន្ម ១៧វស្សា ព្រះនាងម្ចាស់ Leonor មានសមត្ថភាពពេញប្រៀប សក្តិសមជាអនាគតមហាក្សត្រីអេស្ប៉ាញ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ