ជីវិតកម្សាន្ដ

តារារ៉ុកថៃមួយដួង ស្ទើរតែជាជនរងគ្រោះក្នុងហេតុការណ៍ឆេះអគារកាស៊ីណូនៅ ប៉ោយប៉ែត

បានផុស

៣ years មុន

នៅ

ថ្ងៃសុក្រ ៣០ ធ្នូ ២០២២

ដោយ

ចាត់ទុកជាសោកនាដកម្មដ៏ធំមួយនាចុងឆ្នាំ២០២២ ចំពោះករណីអគ្គីភ័យនៅសណ្ឋាគារ និងកាស៊ីណូ Grand Diamond City ក្នុងក្រុងប៉ោយប៉ែត ខណៈមានអ្នករបួស និងស្លាប់ជាច្រើននាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះបានធ្វើឲ្យតារារ៉ុកដ៏ល្បីឈ្មោះ Arnon Saisangchan ភ័យស្លន់ស្លោជាខ្លាំង ក្រោយឮដំណឹងថាសណ្ឋាគារនិងកាស៊ីណូ Grand Diamond City ក្នុងក្រុងប៉ោយប៉ែត ត្រូវភ្លើងលេបត្របាក់កាលពីយប់ថ្ងៃទី២៨ នាវេលាម៉ោង១១យប់ បន្ទាប់ពីលោកបានត្រៀមខ្លួនថា ត្រូវមកសម្ដែងក្នុងកម្មវិធីប្រគំតន្ត្រី Poipet Finfest 2022 ដែលនឹងប្រព្រឹត្តទៅនៅថ្ងៃទី ៣០-៣១ ខែធ្នូ នៅទីតាំងខាងលើ។

តារាថៃរូបនេះបានបង្ហោះរូបភាពនៃឧប្បត្តិហេតុអគ្គីភ័យ និងរូបភាពដើម្បីផ្សព្វផ្សាយការងារផ្ទាល់ខ្លួនជាមួយនឹងសារថា “ការរាប់ថយក្រោយរបស់ Blackhead ឆ្នាំនេះ គឺនៅកាស៊ីណូ Grand Diamond City ក្នុងក្រុងប៉ោយប៉ែត ដែលមានទីតាំងទល់មុខផ្សាររោងក្លឿ ស្រុកអារញ្ញ ខេត្តស្រះកែវ ។ ចិត្តមួយបានធូរស្រាល ដែលវាមិនមែនជាយប់ដែលយើងសម្ដែង ហើយបានសម្រាកនៅយប់នោះ។ បេះដូងមួយទៀតបារម្ភពីមនុស្សដែលធ្វើការនៅទីនោះ ហើយអាណិតបុគ្គលិកនិងសហគ្រិនដែលជាប់ក្នុងហេតុការដ៏រន្ធត់នេះ។ បន្ទាប់ពីឮដំណឹងនេះ វាត្រូវបានចាត់ទុកថាជាសំណាងអាក្រក់នៅចុងឆ្នាំ និងជាឆ្នាំដ៏ឃោរឃៅតាំងពីដើមឆ្នាំរហូតដល់ចុងឆ្នាំ។ សូមចូលរួមរំលែកទុក្ខដល់ក្រុមគ្រួសារនៃសព និងអ្នកដែលកំពុងបាត់ខ្លួន”។

ក្រោយលោកបង្ហោះពីសោកនាដកម្មនេះមិនបានប៉ុន្មាន អ្នកគាំទ្រជាច្រើនបានចូលមកបញ្ចេញមតិដើម្បីលើកទឹកចិត្តដល់តារាចម្រៀងរូបនេះ និងនិយាយថា ចាត់ទុកថាលោកអស់គ្រោះហើយចាប់ពីពេលនេះទៅ សូមជូនពរឲ្យជួបតែរឿងល្អនៅឆ្នាំក្រោយ៕