ជីវិតកម្សាន្ដ

បណ្ដាញសង្គមផ្ទុះកំហឹងនឹងអតីតមិត្តប្រុស IU ក្រោយខាងស្រីមានទំនាក់ទំនងជាមួយ Lee Jong Suk

បានផុស

៣ years មុន

នៅ

ថ្ងៃចន្ទ ២ មករា ២០២៣

ដោយ

បន្ទាប់ពីដំណឹងស្នេហាក្តៅគគុកស្វាគមន៍ឆ្នាំថ្មីរបស់គូស្នេហ៍តារាល្បី IU និង Lee Jong Suk ពេលនេះ Jang Ki Ha ជាអតីតមិត្តប្រុស ត្រូវអ្នកលេងបណ្ដាញសង្គមផ្ទុះកំហឹងជាខ្លាំងលើរូបលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតមិត្តប្រុសរបស់ IU រូបនេះត្រូវអ្នកលេងអ៊ីនធឺណិតជេរស្ដីបន្ទោស និងបញ្ចេញមតិលើ SNS របស់លោក បន្ទាប់ពីកាលពីថ្ងៃទី ៣១ ខែធ្នូ Jang Ki Ha បានសម្ដែងនៅក្នុងកម្មវិធីមួយ ចៃដន្យបទចម្រៀងដែលតារាចម្រៀងវ័យក្មេងជ្រើសរើសមកសម្ដែងមានបទ ‘I’m Not Jealous’ និង ‘Happy New Year’ ខណៈវាទទួលបានការចាប់អារម្មណ៍ភ្លាមៗ ស្របពេលដែលចចាមអារ៉ាមថា IU និង Lee Jong Suk មានទំនាក់ទំនងស្នេហានឹងគ្នា។

ភ្លាមៗនោះដែរ អ្នកនិយមលេងអ៊ីនធឺណែតជាច្រើនបានចូលមកបញ្ចេញមតិទាំងខឹងសម្បារលើបណ្ដាញសង្គមរបស់លោកព្រមទាំងជេរស្ដីឲ្យខ្លាំងៗថា “តើអ្នកបានឃើញពាក្យចចាមអារ៉ាមណាត់ជួបរបស់ IU ទេ?” ហេតុអ្វីលើកបទចម្រៀងជួនគ្នាបែបនេះ ឬចង់ឌឺដងដល់គូស្នេហ៍ថ្មីរបស់លោក? ទោះយ៉ាងណា នៅលើការបញ្ចេញមតិនោះក៏មានមានការតបតទៅវិញទៅមករវាងហ្វេនទាំងសងខាង សុទ្ធតែនិយាយគាំទ្រអាយដលរបស់ពួកគេរៀងៗខ្លួនដែរ។

សូមបញ្ចាក់ថា ចំពោះ IU និង Jang Ki Ha ធ្លាប់ទាក់ទងគ្នារវាងឆ្នាំ ២០១៣ និង ២០១៧ មុនពេលបែកបាក់របស់ទាំងពីរ ភ្នាក់ងារទាំងសងខាងបានចេញមកនិយាយថា”អ្នកទាំងពីរបានបែកគ្នាដោយសន្តិវិធី ហើយក៏គ្មានអ្នកទី៣។ ដោយសារតែម្នាកើៗត្រូវការផ្ដោតលើការខិតខំរបស់ខ្លួន ទើបសម្រេចចិត្តបន្តធ្វើជាសិស្សច្បង និងសិស្សប្អូនល្អតវិញ”។

យ៉ាងណាមិញ ទោះបីជាអ្នកទាំងពីរបានបែកគ្នាជាច្រើនឆ្នាំកន្លងមកក៏ដោយ ក៏អ្នកគាំទ្ររបស់ Jang Ki Ha និង IU នៅតែរំជើបរំជួលពីរឿងរ៉ាវស្នេហាថ្មីរបស់អតីតមិត្តស្រីលោកដដែល រហូតធ្វើឲ្យមានផ្ទុះកំហឹងកាន់ជើងតារាសំណព្វរៀងៗខ្លួន៕

ប្រែសម្រួល៖ សាង ស្រីល័ក្ខ

ចុចអាន៖នាយកប្រតិបត្តិ JYP បរិច្ចាគប្រាក់យ៉ាងច្រើនជួយដល់កុមារទូទាំងពិភពលោក