ជីវិតកម្សាន្ដ

MGI បញ្ជាក់មូលហេតុ MGC ចាស់ អស់សិទ្ធិគ្រប់គ្រងបន្ត ខណៈ MGC ចេញមុខឆ្លើយតបភ្លាមៗ

បានផុស

១ year មុន

នៅ

ថ្ងៃចន្ទ ២ មករា ២០២៣

ដោយ

ទីបំផុតស្ថាប័ន Miss Grand International បានចេញមកបញ្ជាក់ច្បាស់ជុំវិញមូលហេតុនាំឲ្យ Miss Grand Cambodia ដែលគ្រប់គ្រងដោយលោក អ៊ិន សុភិន កន្លងមក ត្រូវអស់សិទ្ធិក្នុងការរៀបចំ និងគ្រប់គ្រងបន្ត នាឆ្នាំ ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការទម្លាយនៅលើផេកផ្លូវការរបស់ស្ថាប័ន Miss Grand International បានឲ្យដឹងបែបនេះថា សេចក្ដីជូនដំណឹង,Miss Grand Cambodia អាជ្ញាប័ណ្ណកំពុងស្ថិតនៅក្រោមក្រុមហ៊ុនថ្មី ដោយលោកស្រី Sokunthea Im។ ដោយអ្នកកាន់អាជ្ញាប័ណ្ណពីមុនមិនអាចបំពេញការបង់ប្រាក់អាជ្ញាប័ណ្ណក្នុងរយៈពេលកំណត់ដែលបានព្រមព្រៀងគ្នា។

MGI បានបញ្ជាក់ទៀតថា ក្នុងនោះនឹងមិនមានសិទ្ធិប្រើប្រាស់ MGI ចំណាត់ថ្នាក់លេខ ៥ នៃឆ្នាំ ២០២២ ឬ ចំណងជើងឈ្មោះ និងម៉ាក ឬការផ្សព្វផ្សាយណាមួយដែលទាក់ទងនឹង MGI ទេ គឺទាមទារការយល់ព្រមពីយើងជាមុនសិន។

ជុំវិញការទម្លាយខាងលើនេះ ភ្លាមៗគេឃើញនៅលើផេករបស់ Miss Grand Cambodia បានធ្វើការបកស្រាយ និងឆ្លើយតបផងដែរ។

ផ្អែកតាមខ្លឹមសារនៅលើផេក Miss Grand Cambodia បានបញ្ជាក់ដែរថា រឿង Miss Grand Cambodia2023 យើងឈប់ធ្វើហើយ បានជម្រាបជូនដល់មហាជនដឹងដែរតាំងពីថ្ងៃទី ១៤ ខែ ១២ ឆ្នាំ ២០២២ មកម្ល៉េះ ចុះហេតុអ្វីមកចុះថាគេមិនបង់ License 2023 ឲ្យគេឈប់ធ្វើហើយ ចង់លក់ឲ្យអ្នក ណាជារឿង MGI ទៅ កុំមកពាក់ព័ន្ធនឹងមហាហង្សទៀត តែរឿង Miss Grand Cambodia2022 ខ្ញុំនៅមានសិទ្ធិ ព្រោះមហាហង្សបានបង់លុយ និងធ្វើកម្មវិធីរួចហើយ។ សូម Fanៗ មេត្តាជ្រាប៕

អត្ថបទ ៖ ចាន់រ៉ា