ជីវិតកម្សាន្ដ
បទពិសោធន៍ពិត ស្នេហា និងការងារ តារារ៉េប វណ្ណដា បង្ហើបដោយកម្រទៅកាន់អ្នកគាំទ្រ
វណ្ណដា ត្រូវបានអ្នកគាំទ្រចាត់ទុកថាជាកំពូលតារាចម្រៀងរ៉េបវ័យក្មេងប្រចាំប្រទេសកម្ពុជា ខណៈការគាំទ្រ និងប្រជាប្រិយភាព បានហក់ឡើងខ្លាំង មិនថានៅក្នុងស្រុក ឬលើឆាកអន្តរជាតិឡើយ។
ស្របពេលទីផ្សារការងារកាន់តែមានសន្ទុះហក់ខ្លាំងនៅលើទីផ្សារចម្រៀងរ៉េបនោះ លោក ម៉ាន់ វណ្ណដា ស្រាប់តែចេញមកទម្លាយនូវបទពិសោធន៍ពិតរបស់ខ្លួនជុំវិញស្នេហា និងការងារ បង្កការចាប់អារម្មណ៍ដល់អ្នកគាំទ្រ។ នេះពិតជារឿងដ៏កម្រណាស់ ដែលតារារ៉េបល្បីឈ្មោះលោក វណ្ណដា ដាច់ចិត្តបង្ហាញពីជីវិតឯកជនផ្ទាល់ខ្លួន។
វណ្ណដា និយាយយ៉ាងភ្ញាក់ផ្អើលបែបនេះថា “ស្នេហា និងការងារ មានតួនាទីធំក្នុង Daily routine (ទម្លាប់ប្រចាំថ្ងៃ)”។ លោកថា ពីមុនមក លោកធ្លាប់មាននារីខ្លាំងម្នាក់នៅក្បែរដោះស្រាយរួមគ្នាទាំងការងារ និងបញ្ហា លើកទឹកចិត្ត ផ្ដល់ភាពកក់ក្ដៅ និងសុភមង្គលឲ្យគ្នា មានពេលវេលាសម្រាប់គ្នា រកចំណូលផ្សេងគ្នា ចំណាយផ្សេងគ្នា ហើយលោកអាចធ្វើការងារទាំងនោះបានដោយស្នាមញញឹម ទឹកមុខស្រស់បស់ មានគំនិតច្នៃប្រឌិត មានអារម្មណ៍រំភើប និងកម្លាំងចិត្ត ដែលដៃគូរបស់លោកផ្ដល់ឲ្យ។
លោក វណ្ណដា និយាយបន្តថា បើទោះបីជាយើងមិនបានបង្ហាញ relationship និងរួមដំណើរជាមួយគ្នារហូតមែន តែពួកយើងបានបញ្ចប់វាដោយរកឃើញការកំណត់គោលដៅ និងពាក់កណ្ដាល នៃភាពជោគជ័យរៀងខ្លួន បូករួមនឹងស្នាមញញឹមដូចគ្នា។
ផ្អែកលើបទពិសោធន៍នេះច្បាស់ណាស់ថា ការរើសដៃគូត្រូវ និងយល់ពីការងាររៀងខ្លួន ពិតជាមានសារៈសំខាន់ក្នុង (daily routine) ទោះក្នុងកាលៈទេសៈណាមួយ វាជាបទពិសោធន៍មួយដ៏ល្អ មេរៀនថ្មី នឹងបំភ្លឺផ្លូវសម្រាប់ថ្ងៃមុខ។
តារារ៉េបវ័យក្មេង វណ្ណដា និយាយទៀតថា បើសិនជារើសដៃគូខុស និងមិនយល់ពីស្ថានភាពរបស់អ្នកបច្ចុប្បន្ន ជីវិតអ្នកនឹងពោរពេញទៅដោយភាពស្មុគស្មាញ បញ្ហាការងារ បញ្ហាស្នេហា នឹងធ្វើឲ្យអ្នកងងឹតរកផ្លូវចេញលែងឃើញ ហើយអ្នកអាចធ្លាក់ចូលក្នុងស្ថានភាពដើមណាមួយដែលអ្នកមិនដែលប្រាថ្នាចង់ឲ្យមានជាលើកទី ២។ សូមពិនិត្យសុខភាពបេះដូងខ្លួនឯងឲ្យច្បាស់ មុនសម្រេចចិត្តលើស្នេហាបន្ទាប់។
លោក វណ្ណដា គឺជាតារាចម្រៀងខ្មែរមួយរូប ដែលបានធ្វើឲ្យប្រទេសជិតខាងជាច្រើនបានស្គាល់ពីឧស្សាហកម្មតន្ត្រីនៅកម្ពុជា ក្នុងយុគសម័យកាលថ្មី ព្រោះលោកតែងតែនាំយកវប្បធម៌ អរិយធម៌ខ្មែរ ទៅបង្ហាញនៅលើឆាកអន្តរជាតិឲ្យពិភពលោកបានដឹង និងទទួលស្គាល់ជាបន្តបន្ទាប់។
យ៉ាងណាមិញថ្មីៗនេះ លោក វណ្ណដា ក៏បានធ្វើឲ្យអ្នកគាំទ្រចាប់អារម្មណ៍ផងដែរ តាមរយៈការប្រកាសចង់ចាប់ដៃគូសហការជាមួយរៀមច្បង ឱក សុគន្ធកញ្ញា៕
អត្ថបទ ៖ ចាន់រ៉ា
ស៊ីម៉ាក់ បំផ្ទុះគ្រាប់បែកចង្កោម សេសស់ពីសង្គ្រាម១២០គ្រាប់ ក្រោយរកឃើញក្នុងរណ្ដៅ
ទិវាចងចាំនឹងប្រារព្ធឡើង ក្នុងកម្រិតធំជាងឆ្នាំមុន ដោយមានអង្គទូត និង ពលរដ្ឋចូលរួមជិត១ម៉ឺននាក់
កូនស្វាដ៏កម្រ ស្ទើរផុតពូជ៣ក្បាល ត្រូវពលរដ្ឋសង្រ្គោះរួចប្រគល់ជូនជំនាញមន្ទីរបរិស្ថាន
ដំណើរជិះកង់សប្បុរសធម៌ តារារិទ្ធ ត្រូវចាត់ទុកជាបេសកកម្មដ៏មានតម្លៃ និងបានការយកចិត្តទុកដាក់ពីរដ្ឋមន្ត្រីព័ត៌មាន
ខេត្តភូកេតប្រទេសថៃប្រកាសអាសន្នទឹកជំនន់
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៧ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៦ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា