Vicky ភរិយារបស់តារាសម្ដែង Weir បានបង្ហោះរូបភាពជុំក្រុមគ្រួសារដើម្បីស្វាគមន៍ទិវាកុមារ​ អ្វីដែលធ្វើឲ្យមហាជនហាក់ភ្ញាក់ផ្អើលខ្លាំង នោះគឺម៉ូដសក់ខ្លីថ្មីរបស់នាង កាត់ដូចនារីហុងកុងបន្តិច ជប៉ុនបន្តិច។

ថ្មីៗនេះរូបភាព Cute Cute ច្រើនសន្លឹក និងឃ្លិបសម្រាប់ថ្ងៃបុណ្យកុមារក្នុងឆ្នាំ២០២៣ របស់ក្រុមគ្រួសារ Weir Sukollawat ដែលភរិយាលោកបានបង្ហោះ បង្ហាញឲ្យកូនតូចរបស់គូស្នេហ៍នេះកំពុងគេងលក់យ៉ាងគួរឲ្យស្រលាញ់ ដោយអ្នកម្តាយ Vicky បានសរសេរនៅក្នុង caption ថា “Triplets in Kanaros ! រីករាយទិវាកុមារ។” ជាមួយនឹងរូបភាពគួរឲ្យស្រលាញ់នោះដែរ ទស្សនិកជនក៏សង្គេតឃើញថា នាងកាត់សក់ខ្លីជាងមុនថែមទៀត មើលកាន់តែយូរកាន់តែដូចសិស្សសាលាជប៉ុនក្នុងវ័យជំទង់ ឬដូចតារាចិនហុងកុងជាដើម។

ទោះយ៉ាងណាកាលពីលើកមុនភរិយារបស់ Weir Sukollawat ក៏ធ្លាប់ត្រូវបានទស្សនិកជនសរសើរពីសម្រស់នាងថានៅតែស្រស់ស្អាត បើទោះបីជាទើបសម្រាលកូនខ្ចីហើយក្ដី។ ជាងនេះទៅទៀត Vicky ក៏ជាមនុស្សដែលពូកែថែសម្រស់ឲ្យនៅតែក្មេង រហូតស្រីៗគ្នាឯងសុំរូបមន្តថែមទៀតផង៕

ចុចអាន៖ក្រោយប្រកាសនៅលីវ Aum Patcharapa កាន់តែស្រស់ស្អាតលើសមុន

ចុចអាន៖Baifern រំលេចឈុតវែងពណ៌ខៀវកាច់រាងស្រើបស្រាល កំពុងទាក់ភ្នែកមហាជន