Mai Davika ឆ្លើយតបយ៉ាងត្រជាក់ ទៅអ្នកមិនជឿថា នាងមិនបានកែសម្ផស្ស

ក្រោយ Mai Davika បាន​បញ្ជាក់​ការពិតអំពីការវះកាត់កែសម្ផស្ស ដោយមានគ្រូពេទ្យជំនាញជួយ​ស្កេន​មុខដើម្បីរកស៊ីលីកូន និង​ជម្រះមន្ទិលតាមរយៈវីដេអូឃ្លិបក្នុង Channel Youtube របស់ Davikah រួចរាល់ក្នុងនោះក៏មានមតិខ្លះស្រប ប៉ុន្តែក៏មាន​អ្នក​និយម​លេង​អ៊ីនធឺណិត​មួយចំនួនមិនជឿថានាងមានមុខធម្មជាតិឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ Mai Davika បានចាប់យកមតិយោបល់មួយដែលរិះគន់នាងឥតឈប់ ហើយថែមទាំងវិភាគលើការវះកាត់កែសម្ផស្សរបស់នាងមករហូត ដូច្នេះទើបនាងយកមតិនោះមកបង្ហោះនៅលើ Instagram story ដែលមានខ្លឹមសារថា “ភ្នែក​ច្បាស់​ជា​ធ្វើ​ ​ពី​មុន​ភ្នែក​មិន​ធំ​នោះទេ។ ថ្គាម​ក៏​កាត់​ដែរ ពីមុន​ថ្គាម​ធំ​ណាស់។ សូម្បីតែចិញ្ចើមក៏លើកដែរ នៅពេលដែលចម្ងាយរវាងភ្នែកកើនឡើងគឺមើលដឹង។ មានការវះកាត់ជាច្រើនដែលមិនអាចរកឃើញដោយការស្កេន។ ប៉ុន្តែទោះជាយ៉ាងណា Davi គឺស្រស់ស្អាតខ្លាំងណាស់។ ប៉ុន្តែ​អ្នក​មិន​គួរ​មក​និយាយ​ថា​អ្នក​មិន​បាន​ធ្វើ​អ្វី​ឡើយ”។

យ៉ាងណាមិញក្រោយមតិនោះបានបង្ហោះរួចមក Mai Davika ក៏បានឆ្លើយតបទៅកាន់អ្នកនិយមលេងអ៊ីនធឺណិតម្នាក់ នោះវិញថា “បាន​ធ្វើ​អ្វី​ទាំង​អស់​ អ្នកដឹងច្បាស់ណាស់! មិនដែលឃើញអ្នកណានិយាយមកដោយភាពជឿជាក់បែបនេះពីមុនមកទេ ហាហា” តែយ៉ាងណា Mai ពិតជាអរគុណដែលសរសើរថាស្អាត ថែមទាំងយល់ច្រលំទៀត ហាហា ល្អជាងពេទ្យទៅទៀត ដឹងច្បាស់ជាងអ្វីទៅទៀតពិតជាមិនធម្មតានោះទេ”៕

ប្រែសម្រួល៖ សាង ស្រីល័ក្ខ

ចុចអាន៖ចូលឆ្នាំចិន Aum បញ្ចេញឈុតរាជិនីលម្អដោយគ្រឿងអលង្ការតម្លៃខ្ទង់លាន