ជីវិតកម្សាន្ដ

រូបថតមួយសន្លឹករវាង Lisa និង Neymar កំពុងក្លាយជាប្រធានបទក្ដៅ របស់ហ្វេនជុំវិញពិភពលោក

បានផុស

១ year មុន

នៅ

ថ្ងៃព្រហស្បតិ៍ ២៦ មករា ២០២៣

ដោយ

មានការជជែកគ្នានិងផ្ទុះសំណើចក្នុងបណ្ដាញសង្គមព្រាត នៅពេលដែល Lisa ក្រុមចម្រៀងស្រី Blackpink ដ៏ល្បីល្បាញនៅប្រទេសកូរ៉េខាងត្បូង បានបង្ហោះរូបថតមួយសន្លឹកជាមួយ Neymar ក្នុង Instagram ហើយ tag ឲ្យលោក ខណៈកីឡាករជម្រើសជាតិប្រេស៊ីលរូបនេះបានស្រ្គីនមកបង្ហោះក្នុង IG story វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ រូបភាពមួយសន្លឹកនេះបានបង្កការភ្ញាក់ផ្អើលពីអ្នកគាំទ្រជុំវិញពិភពលោក និងមកថែមទាំងបញ្ចេញយោបល់ថា មិនដឹងថាគួរច្រណែនអ្នកណាមុននោះគេ រហូតវាបានក្លាយជានិន្នាការដ៏ល្បីល្បាញលើបណ្ដាញសង្គម Twitter យ៉ាងឆាប់រហ័ស និងមានមនុស្សជាច្រើនបានប្រើ hastag #LISA ថែមទៀតផង។ ជាងនេះទៅទៀតនៅពេលដែលរូបថតរបស់តារាល្បីពីររូបនេះបានសាយភាយ វាក៏ក្លាយជារូបដែលមានអ្នកចូលចិត្តជាង ២ លាននាក់ក្នុងរយៈពេលមួយថ្ងៃ។

ទោះយ៉ាងណា អ្នកគាំទ្រជាច្រើនក៏បានដឹងស្រាប់ហើយថា កីឡាករ Neymar គឺជាហ្វេនរបស់ “blinks” មកជាយូរហើយ។ ជាពិសេសមហាជនជាច្រើនតែងឃើញរូបលោក ចែករំលែកបទចម្រៀងថ្មីរបស់ក្រុម Pink venom នៅពេលដែលបទនេះបានចេញភ្លាមៗផងដែរ។ ដូច្នេះវាជារឿងធម្មតា រវាងជម្រើសជាតិប្រេស៊ីល និងតារាចម្រៀង K pop ដែលមានការគាំទ្រគ្នាទៅវិញទៅមក នៅក្នុងវិស័យផ្សេងគ្នា៕

ប្រែសម្រួល៖ សាង ស្រីល័ក្ខ

ចុចអាន៖Lisa បំបែកកំណត់ត្រាពិភពលោក Guinness ដល់ទៅ ៥ ក្នុងឆ្នាំតែមួយ