មិនថាស្ថិតក្នុងសម្លៀកបំពាក់បែបណា តារាសម្ដែងស្រី Prang Kannarun នៅតែលេចធ្លោ ស្រស់ស្អាតមិនប្រែ ដែលចំណុចនេះធ្វើឱ្យអ្នកគាំទ្រ នាំគ្នាពោលសរសើរសម្រស់របស់នាងមិនដាច់ពីមាត់។ ជាក់ស្ដែង ថ្មីៗនេះ Prang ស្លៀកត្រឹមសំពត់សារ៉ុង និងពាក់អាវបំពង់ បែបជនបទធម្មតាៗសោះ ប៉ុន្តែសម្រស់របស់នាងពិតជាស្រស់ស្អាត ប្រៀបដូចទេពកញ្ញា។

នៅក្នុងរឿងភាគថ្មីរបស់​ប៉ុស្តិ៍​លេខ ៣១ ដែលទើបចាក់ផ្សាយថ្មីៗកន្លងទៅ Prang ក្ដោបបានតំណែងជា​តួឯក​ស្រី ​ជាមួយតារាប្រុស Jet Jedpipat ដែលនាងដើរតួជានារីជនបទ ត្រូវស្លៀកពាក់បែបស្រុកស្រែ ស្ទើរមួយរឿងពេញ។ ប៉ុន្តែទោះជាស្លៀកពាក់បែបនេះក្ដី សម្រស់របស់តារាស្រីវ័យ ៣១ឆ្នាំរូបនេះ មិនស្រកស្រុតឡើយ ពោលគឺនាងនៅតែទាញបានចំណាប់អារម្មណ៍រាប់លាននាក់ពីទស្សនិកជន។

ដោយសារសម្រស់គ្មានទាស់នេះហើយ Prang ត្រូវបានទស្សនិកជន ពោលសរសើរពេញៗមាត់ថា នាងជាទេពធីតាលើដី ស្រស់ស្អាតគ្រប់ទម្រង់ និងគ្រប់ស្ទីលតែងខ្លួនទាំងអស់៕

ប្រែសម្រួល៖ សន្យា

ចុចអាន៖ Pinky លេចមុខលើក្របទស្សនាវដ្ដីល្បីមួយ ក្រោយដោះលែងពីពន្ធនាគារ